Юлдаш
-20 °С
Болытлы
75 лет Победы
Барлык яңалыклар
Закон һәм тәртип
21 декабрь 2021, 15:30

Ялган сертификатлар бирү очраклары ачыкланмаган

Шушы көннәрдә рай­он хакимиятендә коррупциягә кар­шы комиссия әгъ­заларының чиратта­гы утырышы узды. Анда 2021 елдагы эшкә йомгак ясалды һәм алдагы елга план­нар билгеләнде. Көн тәртибенә 8 мәсьәлә куелды. Утырыш эшен район хакимияте баш­лыгы Риф Йосыпов алып барды.  

Ялган сертификатлар бирү очраклары ачыкланмаган
Ялган сертификатлар бирү очраклары ачыкланмаган

«Атна саен без ковид-19 га каршы вакциналау кабинеты­на аудит үткәрәбез. Ул вакыт эчендә прививкалар турында ялган сертификатлар бирү очраклары ачыкланмады. Медицина хезмәткәрләре ялган документлар бирү һәм коррупциягә каршы кану­ниятне башка төрле бозган өчен җинаять җаваплылыгы турында, имзаларын куеп, кисәтелде», - диде рай­он үзәк дәваханәсе баш табибының медицина өлеше буенча урынбасары Гөлназ Сабирова, районара про­курор урынбасары Илнур Насретдиновның соравы­на җавап биреп. Дүртөйле район үзәк дәваханәсенең медицина өлеше буенча на­чальнигы сәламәтлек саклау өлкәсендә коррупциягә кар­шы тору темасын яктыртты. Докладчы хәбәр итүенчә, районда яшәүчеләр корруп­ция һәм шулай ук медицина хезмәткәрләренең һөнәри бурычларын тиешенчә үтәмәү фактлары турында 2-10-54, 2-11-59 санлы ышаныч теле­фоннары аша хәбәр итә ала.

«Прокурорның норма­тив хокукый актны үзгәртү турындагы таләбе тиешле орган, оешма һәм вазифалы кеше тарафыннан шундый күрсәтмә килгәннән соң ун көн эчендә, һичшиксез, ка­ралырга тиеш, - дип ассызыклап әйтте җирле үзидарә органнарының норматив хокукый актларына коррупциягә каршы экспертиза үткәргән вакытта күзәтү эшчәнлеге нәтиҗәләре турында чыгыш ясаган, югарыда атап үтелгән прокуратура вәкиле. - Һәм, өстәвенә,прокуратурагатик­шерү нәтиҗәләре турында язмарәвештә җавапбирергә кирәк». Районара прокура­тура узган чорда федераль кануниятне бозуның 40 оч­рагын ачыклаган, законсыз хокукый актларга 25 протест белдерелгәнһәм 12 күрсәтмә җибәрелгән. Прокуратура тикшерүләре нәтиҗәләре буенча, бу өлкәдә 3 кеше ад­министратив җаваплылыкка тарттырылган, шулай ук 2 җинаять эше кузгатылган. Доклад ясаучы шундый сан­нар әйтте. Ул шулай ук авыл хакимиятләре белгечләренең юридик гыйлемен күтәрү өчен уку оештырырга тәкъдим итте.

Район хакимиятенең эшләр белән идарә итүчесе Альберт Әгъзамов үз чы­гышында, башкаларыннан тыш, муниципалитет сайтында коррупциягә билгеләмә дәрәҗәсе һәм аңа каршы кулланылган чаралар турында үткәрелгән социологик сораштыру нәтиҗәләре ту­рында сөйләде. Анда кат­нашкан 533 респондентның күпчелеге бюджет өлкәсендә эшләүче, уртача яшьтәге хезмәткәрләр булган. Кешеләр түләүсез медицина хезмәтләрен, хокук саклау органнарын коррупциягә иң нык дучар ителгән өлкәләр, дип исәпли. Алар фикеренчә, салым салу һәм мәктәпкәчә белем бирү өлкәләрендә ришвәтчелек күренешләре   азрак. Докладчы шулай ук җирле үзидарә органна­рында, бюджет акчаларын, шул исәптән милли про­ектлар буенча да, максат­лы файдалану муниципаль учреждениеләрендә һәм предприятиеләрендә тик­шерү нәтиҗәләре турында бәян итте.

Агымдагы елда полиция бүлеге тарафыннан икъти­сади юнәлештәге 23 җинаять ачыкланган, аларның 12 се коррупция күренешләре белән бәйле. Әлеге мәгъ­лүмат Эчке эшләр министр­лыгы район бүлегенең икъ­тисади хәвефсезлек һәм коррупциягә каршы тору бүлеге начальнигы Айдар Гыйлемханов докладында әйтелде. Район хакимияте Хокукый идарәсенең хокукый эш бу­енча секторы мөдире Ренат Гафаров коррупциягә каршы тору мәсьәләләре буенча канунияттәге үзгәрешләргә күзәтү ясады. Район хакимияте баш­лыгының төзелеш, транспорт, сәнәгать һәм торак-коммуналь хуҗалык буенча урынба­сары Эдуард Каһарманов үзе җитәкләгән беренче өлкәдә коррупциягә каршы чаралар турында сөйләде. Комиссия утырышы ба­рышында аның киләсе елга планы расланды. Шулай ук фикер алышкан барлык мәсьәләләр буенча тиешле

Автор:Резеда Ахматнурова
Читайте нас в