БИТАРАФЛАР БУЛЫРГА ТИЕШ ТҮГЕЛ

Шушы көннәрдә наркотикларга каршы район комиссиясенең чираттагы утырышы булды. Аның эшендә прокуратура, эчке эшләр бүлеге, мәгариф идарәсе вәкилләре һәм торак пунктлар биләмәләре башлыклары катнашты.

Районда наркотиклар буенча хәл торышы һәм агымдагы елның узган чорында наркотик, психотроп матдәләр һәм аларның аналогларының законсыз әйләнеше өлкәсендәге оператив-профилактик чаралар нәтиҗәләре турында җыелучыларга эчке эшләр бүлегенең наркоконтроль бүлеге группасы оперуполномоченные Илнур Шагиев сөйләде. Сентябрь ахырына район биләмәсендә наркотиклар әйләнеше белән бәйле 36 җинаять теркәлгән, шуларның 22 се - сату факты буенча. Үткән елның шул ук чоры белән чагыштырганда наркотиклар белән бәйле җинаятьләр санының артуы күзәтелә. Кузгатылган җинаять эшләре буенча 17 кешеҗинаять җаваплылыгына тарттырылган. Тагын да 7 кеше Административ хокук бозулар турындагы Кодекс буенча җәза алган.

Превентив чараларга килгәндә, полицейскийлар “Интернет” челтәрендә наркотикларны тарату, аларны пропагандалау, психоактив матдәләрнең яңа төрләре, тарту катнашмаларын сатып алу ысуллары һ.б. турында 23 сайтны ачыклаган. Әлеге Интернет ресурслары бүгенге көнгә эшләми, алар туктатылган. Шулай ук хокук сакчылары тарафыннан “Наркозаслон”, “Хәбәр ит, үлем белән кайда сәүдә итәләр”, “Русия балалары-2018”, “Мәк” ведомствоара оператив-профилактик операцияләр үткәрелгән. Соңгысы нәтиҗәсендә районда составында наркотик булган үсемлекләрнең кыргый рәвештә үскән 6 урыны ачыкланган. Комиссия утырышында, киндер үскән урыннар ачыкланган авыл хакимиятләре башлыклары әлеге үсемлекне бетерү буенча күрелгән чаралар турында отчет тотты. Комиссия рәисе - район хакимияте башлыгы Ринат Хәйруллин аларны үз биләмәләренә янә бер тапкыр мониторинг үткәрергә кушты. Шулай ук киләчәктә төзекләндерү средстволары исәбенә киндер үскән урыннарны үсемлекләр шытып чыгуга химикатлар белән эшкәртергә тәкъдим итте.

Дәүләт наркоконтроль оперуполномоченные әйткәнчә, эчке эшләр бүлеге хезмәткәрләре, тыелган матдәләрне сатуны ачыклау һәм аларны бетерү максатында, чит илдән килгән гражданнарның һәм гражданлыгы булмаган кешеләрнең яшәү урыннарын тикшерү үткәрә. Күптән түгел алар яшерен “закладка” урыны эшләргә маташкан Таҗикстан гражданинын тоткарлаган. Оператив чарлар барышында аңардан гомуми авырлыгы 20.257 грамм булган 56 пакет синтетик наркотик табып алына. Бу аеруча зур күләм булып тора. Накодилер сак астына алынган, җинаять эше кузгатылган.

Хакимиятнең яшьләр эшләре, физик культура, спорт һәм туризмны үстерү буенча бүлеге начальнигы Илшат Закирҗанов үз чыгышында, профиль төркем тарафыннан Интернет челтәрендә наркотиклар сату буенча 16 сайт һәм экстремистик юнәлештәге 18 сайт ачыклануы турында хәбәр итте. Аларның бер өлеше Роскомнадзорга хәбәр итү юлы белән туктатылган, бер өлеше - туктатылу стадиясендә.

Шул ук вакытта, бүлек тарафыннан, белгеч әйтүенчә, яшьләр арасында сәламәт яшәү рәвешен, наркотикларга каршы тәртипне пропагандалау буенча эш алып барыла. Балигъ яшьтә булмаганнарның наркотиклар кулланучылар сафларына эләгүен кисәтү буенча эшчәнлекнең перспективалы юнәлешләренең берсе - яшьләр һәм балалар хәрәкәтләрен үстерү, балаларны һәм үсмерләрне спорт һәм мәдәни чараларга, конкурсларга, флэшмобларга һ.б. җәлеп итү. Шулай ук балигъ булмаганнар белән социаль-психологик тренинглар һәм лекцияләр үткәрү. Үсмерләр клубларында 5 лекция һәм 7 тренинг үткән, тагы да 4 лекция күппрофильле колледжда оештырылган.

“Хокук саклау органнарының берничә хезмәткәре генә бу начарлыкны бетерә алмый. Безгә барыбызга да максатка ярашлы эш алып барырга кирәк, наркотик средстволар һәм аларның медицинадан тыш кулланылуына каршы көрәштә битарафлар булырга тиеш түгел. Бәла теләсә кайсы моментта барыбызга да кагылуы ихтимал”, - диде ахырда комиссия секретаре - мәдәният идарәсе начальнигы урынбасары Ирина Мәсәлимова.

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78