«БАШНЕФТЬ» 2017 ЕЛДА БИШ ЯҢА ЯТМА АЧТЫ

“Башнефть” АНК җәмгыяте (“НК “Роснефть” ачык акционерлар җәмгыяте Группасына керә) 2017 елда биш яңа ятма һәм эшкәртелүче ятмаларда продуктлы 50 чыганак ачты (В1С1-4,1 категорияле нефть запаслары - 4,1 млн тонна һәм В2С2 категорияле - 6,4 млн тонна). Яңа ятмалар буенча углеводород чималы запасларын оператив исәпләү нәтиҗәләре “Файдалы казылмалар запаслары буенча дәүләт комиссиясе” ФД учреждениесенә тапшырылган.

Яңа ачышлар геологик разведкалау эшләренең нәтиҗәлелеген күтәрү аркасында мөмкин булды. 2017 ел йомгаклары буенча эзләнү-разведкалау бораулавының уңышлылыгы, 2016 елгы күрсәткечне өчтән бер тапкырга арттырып, 84 процент тәшкил итте.

“Соровскнефть” Ханты-Мансы автономияле округының Сургут районында Северо- Итьяхский-3 лицензияле участогы чикләрендә С1+С2 4,3 миллион тонна нефть запасы белән Северо-Итьяхское нефть ятмасын ачты.

“Башнефть-Добыча” 2017 елда Башкорт- стан Республикасы биләмәсендә актив гео- логия-разведканы дәвам итте. Бу компания белгечләренә, нефть чыгаруның төп төбәге югары дәрәҗәдә разведкалануга карамастан, дүрт ятма - Кипарис, Теләкәй, Абдукәй һәм Анастасьино - ачарга мөмкинлек бирде. С1+С2 категорияле нефть запасының тулаем үсеше әлеге ятмалар буенча 2,6 миллион тоннадан күбрәк тәшкил итте.

Ике ятма Башкортстанның төньяк- көнбатышында Илеш районы биләмәсендә ачылды. Кипарис ятмасы - лицензияле Яркәй участогы чикләрендә Татарстан Республикасы чигендә ачылды. Кипарис ятмасында чыгарыла торган нефть запаслары С1+С2 категорияләре буенча 1,568 миллион тонна белән бәяләнә. Теләкәй ятмасы С1+С2 категорияле 89 мең тонна нефть запасы белән шул ук исемдәге лицензияле участок чикләрендә ачылган.

Башкортстанның Кушнаренко районы территориясендә лицензияле Ахта участогын геологик өйрәнү барышында Әбдүкәй нефть ятмасы ачылды (С1+С2 категорияле нефть запасы 754 мең тонна). Башкортстанның Аскын районында лицензияле Көнбатыш-Көнгән участогын өйрәнү барышында Пермь крае чигендә Анастасьино нефть ятмасы ачылды (С1+С2 категорияләре буенча нефть запасы 229 мең тонна исәпләнә).

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78