Республикала III «Юғарыға ос!» мәктәп форумын уҙғарыу датаһы билдәле булды

9 апрелдә Өфөнөң «Торатау» конгресс-холында өсөнсө «Юғарыға ос!» мәктәп белем биреүе форумы ойошторола. Республика хөкүмәтенең тейешле бойороғо кесаҙна Башҡортостандың рәсми хоҡуҡи мәғлүмәт интернет-порталында баҫылған.

Ойоштороу комитетына форумды уҙғарыу буйынса саралар планын әҙерләү бурысы йөкмәтелде. Ул шулай уҡ форумда COVID-19-ҙың таралыуын иҫкәртеүгә йүнәлтелгән санитар-эпидемиологик талаптарҙы үтәүҙе тәьмин итергә тейеш.

«Башинформ» хәбәр иткәнсә, Өфөлә икенсе «Юғарыға ос!» мәктәп белем биреүе форумы 2020 йылдың 28 февралендә булғайны.

https://www.bashinform.ru/news/1573526-nazvana-data-provedeniya-iii-foruma-shkolnogo-foruma-vzletay-v-bashkirii/