Республика Башлығы асыҡ сараларҙы кәметергә саҡырҙы

Башҡортостан Башлығы Радий Хәбиров төрлө асыҡ сараларҙы кәметергә, мөмкин булған урында бөтөнләй ойоштормаҫҡа саҡырҙы.

«Бүләкләү, концерт, спорт саралары – ябығыҙ. Һеҙ бит юғары белемле, хәлдең яҙ көнөнә ҡарағанда күпкә ҡатмарлыраҡ икәнен күрәһегеҙ. Бик хәүефле. Аҙна һайын бер нисә кешене оҙатабыҙ. Һәр асыҡ сараның эҙемтәләре күренер», — тине Радий Хәбиров, ҡала һәм район хакимиәттәре башлыҡтарына мөрәжәғәт итеп.