БДИ тапшырачаклар

Район хакимиятенең бәләкәй залында бердәм дәүләт имтиханын үткәрү буенча эшче төркемнең утырышы булды. Быел аңа мәгариф идарәсе, профсоюз оешмасы, Дүртөйле электр һәм җылылык челтәрләре, «Башинформсвязь», «Дүртөйлеводоканал», Эчке эшләр министрлыгы бүлеге, район үзәк дәваханәсе вәкилләре керде.

Райондагы 15 мәктәпнең (шуларның 6 сы - шәһәрдә) чыгарылыш укучыларының Дәүләт йомгаклау аттестациясе 3 июльдә башлана. Безнең районда 275 укучы БДИ тапшырырга те­ләк белдергән. Калган 32 укучы аттестаттагы йомгаклау билгеләре буенча урта һөнәрчелек уку йортларына керергә планлаштыра.

Имтиханнар беренче урта мәктәп базасын­да үтәчәк, ул вакытка 23 кабинет әзерләнәчәк. Агымдагы айның 29 - 30 ында сынау имтиханнары үтәчәк. Экспертлар имтиханның бөтен этапла­рын да тикшерәчәк, иң элек, катнашучыларның сәламәтлеген саклау җәһәтеннән, үткәрү пунктла­рында һәр деталь тикшереләчәк.

Комиссия әгъзалары балаларны китерү, ме­дицина ярдәме булуны һәм эпидемиологик та­ләпләрнең үтәлеше, имтихан көннәрендә элем­тә челтәрләренең, коммуналь хезмәтләрнең өзеклекләрсез эшләве, шулай ук имтихан үткә­релгән урыннарда тәртип һәм хәвефсезлекне тәэмин итү турында сөйләште.

Унберенче сыйныфлар укучыларының дәүләт йомгаклау аттестациясе 23 июльгә кадәр дәвам итә. Резерв көннәре шул айның 24 һәм 25 енә планлаштырыла.