Хәвефсезлек дөньясы

Әлеге план кысаларында,Бала­лар һәм үсмерләр иҗатын үстерү үзәге янындагы мәйданчыкта укучылар 124 нче янгын сүндерү часте хезмәткәрләре белән оч­рашты. Гадәттән тыш хәлләрне, бәхетсезлек очракларын кисәтү профилактик әңгәмә темасы булды. Балалар алдында Русия Гадәттән тыш хәлләр министрлыгы федераль янгын сүндерү хезмәте дәүләт ян­гын сүндерү хезмәте баш идарәле­генең БР буенча 18 нче янгын сүндерү-коткару отрядының 124 нче янгын сүндерү-коткару часте начальнигы Руслан Му­син чыгыш ясады. Ул республи­ка һәм район буенча янгыннар­га бәйле хәл белән таныштырды, ут чыккан очракта үз-үзеңне тоту кагыйдәләрен, шул исәптән кесә телефоннары ярдәмендә янгын сүндерү подразделениеләрен ча­кырту һәм беренчел янгын сүндерү чараларын куллану алгоритмын хәтергә төшерде.

«Сентябрьнең икенче дека­дасында республикада бик күп ян­гыннар булды, узган елның шул ук чоры белән чагыштырганда, һәлак булган кешеләр саны арта бара - 27 кешедән күбрәк», - дип сөйли Рус­лан Мусин. Ул шулай ук, салкыннар башлану һәм көзге-кышкы чорга   күчү белән, электр челтәрләренә йөкләнеш көчәячәк, бу исә кыска ялганыш һәм янып китүләр санының артуына китерергә мөм- кин, дип билгеләде. «Үзегезнең торак биналардагы электр үткәргечкә аерым игътибар бирүегезне сорыйм. Шулай ук мич ягуга, газ җиһазларын тикшерүгә, беренчел   янгын сүндерү кирәк-яраклары сатып алуга һәм өйдә янгын хәбәрчесен урнаштыруга игъти­бар бирергә кирәк»,- дип киңәш итте янгын сүндерү-коткару бүлеге начальнигы.

Балалар һәм үсмерләр иҗатын үстерү үзәге педагог-оештыручысы Гүзәл Кәбирова укучылар белән   янгын хәвефсезлеге чараларын үтәү турында викторина үткәрде. Чара барысына да бик күп фай­далы мәгълүмат бирде: балалар, тормыш һәм сәламәтлекне саклау буенча киңәшләрне, һичшиксез, истә калдырачак.