Нефть үткәргечләр яңа мобиль лабораторияләр алды

«Транснефть - Урал» акционерлар җәмгыятенә ике яңа мобиль контроль лабораториясе кайтарылды. Аларны предприятие филиалының дефектоскопик лабораториясе - аварияләрне кисәтү һәм бетерү буенча махсуслаштырылган идарә (СУПЛАВ) файдаланачак.

Магистраль торбаүткәргечләрнең линия өлешендә эшләгән вакытта кыр шартларында эретеп ябыштыру катнашмаларына контроль үткәрү, шулай ук яңа су асты кичүләрен төзегәндә радиографик кабатлау контроле - болар яңа лабораторияләр хәл итәсе бурычлар. Аларны тёзегәндә югары үтүчәнлек шассилары кулланылды (КамАЭ-43118). Бу мобиль лабораторияләргә Башкортстан һәм башка төбәкләр территориясендә «Транснефть - Урал» акционерлар җәмгыяте хезмәт күрсәтә торган магистраль торбаүткәргечләрнең һәр участогында эшләр башкару урынына ышанычлы керү мөмкинлеген тәэмин итә.

Лабораторияләр радиографик, ультратавыш һәм визуаль үлчәү контролен уздыру өчен барлык кирәкле җиһазлар һәм инструментлар белән җиһазландырылган. Мәгълүматларны оператив эшкәртү өчен ноутбуклар һәм күпфункцияле җайланмалар, элемтә белән тәэмин итү өчен радиостанцияләр бар. Борт аппаратурасы электр белән тәэмин итүне 10 кВт егәрлеге булган электр генераторлары тәэмин итә.

СУПЛАВ карамагында барлыгы 9 мобиль лаборатория бар: 6 сы - Уфада, 3 се - СУПЛАВ дефектоскопик лабораториясенең Чиләбе участогында.

Мобиль контроль лабораторияләрен куллану географик һәм климатик факторларга карамыйча, гамәлдәге һәм төзелә торган торбаүткәргеч инфраструктурага вакытында хезмәт күрсәтү мөмкинлеге бирәчәк. Әлеге чара тулаем җитештерү объектларының югары эксплуатацион куркынычсызлыгын тәэмин итүгә юнәлдерелгән.