Нефть үткәрүчеләр белем бирү учреждениеләренә ярдәм итә

Уку һәм яшәү өчен уңайлык - һәр кайсы мәктәп-интернат өчен мөһим бурыч. Зилаер сәламәтлек мөмкинлекләре чикләнгән балалар өчен мәктәп-интернатында аны хәл итүгә бик җаваплы карыйлар. Күптән түгел биредә бинаның күпчелек өлешен - уку сыйныфларын, йокы бүлмәләрен, спортзалын, коридорларны ремонтлау төгәлләнде.

Яңа энергоэффектив светодиод яктырткычлар һәм парлы җылыту радиаторлары, линолеум җәю, вентиляция системаларын ремонтлау - интернатта уңайлы да, хәвефсезрәк тә булды. Болар мәктәп-интернатка «Транснефть-Урал» акционерлар җәмгыяте күрсәткән ярдәм белән башкарылды.

Нефть үткәрүчеләр Бижбүләк районының Сухоречка авылындагы мәктәпкә дә булыштылар: хәзер укучыларны һәм укытучыларны тулысынча яңартылган керү группасы каршы ала. Әйткәндәй, предприятие Сухоречка мәктәбенә беренче тапкыр гына ярдәм итми.

«Транснефть» ачык акционерлар җәмгыятенең мәктәп белемен үстерү корпоратив программасы кысаларында биредә төгәл фәннәр - математика, физика, химия кабинетлары иң заманча укыту әсбаплары (лаборатор һәм демонстрацион) һәм җиһазлар белән тулыланды. Болар барысы да дәресләр үткәрү формаларын төрләндерергә мөмкинлек бирде, укытучылар һәм укучылар алдында яңа белем бирү технологияләренә керүне ачты.

Предприятие үз эшен алып барган барлык төбәкләрдә дә белем учреждениеләренә, спорт, иҗтимагый һәм дини оешмаларга хәйрия ярдәме «Транснефть-Урал» акционерлар җәмгыятенең социаль сәясәт өстенлекләренең берсе булып тора.