Юлдаш
-24 °С
Болытлы
75 лет Победы
Барлык яңалыклар
Җәмгыять
10 декабрь 2020, 18:50

Башҡортостанда Һөнәрҙәр аҙналығы асылды

Өфөлә креатив индустрияларҙы үҫтереүгә арналған «Башҡортостан Республикаһында һөнәрҙәр аҙналығы» асылды. Күләмле сара һөнәрселәрҙе, оҫталарҙы, көнкүреш әйберҙәре, этник кейем-һалым, биҙәүестәр, сувенирҙар әҙерләү өлкәһендә эшләгән предприятиеларҙы берләштерә.

Өфөлә креатив индустрияларҙы үҫтереүгә арналған «Башҡортостан Республикаһында һөнәрҙәр аҙналығы» асылды.

Күләмле сара һөнәрселәрҙе, оҫталарҙы, көнкүреш әйберҙәре, этник кейем-һалым, биҙәүестәр, сувенирҙар әҙерләү өлкәһендә эшләгән предприятиеларҙы берләштерә.

«Был – халыҡ таланттары һәм ижад байрамы, уның төп геройҙары – яратҡан шөғөлөн бизнесҡа әүерелдергән оҫталар, – тип белдерҙе Башҡортостан Республикаһының Эшҡыуарлыҡ буйынса дәүләт комитеты башлығы Римма Бойцова. – Форум эшендә республиканың барлыҡ райондарынан тиерлек вәкилдәр ҡатнаша. Беҙ федераль спикерҙарҙы ла саҡырҙыҡ».

Эшлекле программала – федераль эксперттар ҡатнашлығында тематик түңәрәк өҫтәлдәр, сессиялар, оҫталыҡ дәрестәре һәм семинарҙар.

«Һөнәрҙәр аҙналығы» барышында «Йыл һөнәрмәне – 2020» республика конкурсына, ауыл һәм экологик туризм өлкәһендәге проекттар конкурсына йомғаҡ яһала, шулай уҡ республиканың халыҡ художество кәсептәре продукцияһы күргәҙмәһе була.

Форумдың иң сағыу ваҡиғаһы – «Йыл һөнәрмәне – 2020» республика конкурсының йомғаҡлау этабы. Еңеүселәр 12 декабрҙә бүләкләнә.

«Һөнәрҙәр аҙналығы»н Башҡортостан Республикаһының Эшҡыуарлыҡ буйынса дәүләт комитеты, Бәләкәй һәм урта эшҡыуарлыҡты үҫтереү агентлығы ойоштора.

Бөтә саралар ҙа санитар-эпидемиологик нормаларға ярашлы уҙғарыла.

«Һөнәрҙәр аҙналығы»н үткәреү урыны — ВДНХ «ЭКСПО».

Читайте нас в