Әкият иле

«Безнең балалар бакчасы шундый яхшы, яхшырак бакчаны табып булмый!» дигән сүзләр, мөгаен, безнең унберенче «Әкият» балалар бакчасы турын­дадыр. Менә инде безнең гаиләдәге икенче бала әлеге учреждениенең сте­наларыннан чыгарыла. һәм без, балаларыбызның нәкъ менә анда булула­рына шатбыз. Биредә менә дигән педагоглар - үз эшенең осталары эшли. Алар эшкә, балаларны үстерү һәм тәрбияләүгә бөтен күңелләрен салалар. Мәктәпкәчә белем бирү учреждениесен хөрмәтле Мария Алексеевна Ах­метова җитәкли. Ул искиткеч оештыру сәләте булган җитәкче. Аның җитәкчелегендә искиткеч коллектив барлыкка килде.

Елена Барый кызы Ямалтдинова - өлкән тәрбияче. Ул баланың балалар бакчасында кызыклы, танып-белү һәм үсеш алуы өчен җавап бирә. Сабыйның теләсә кайсы соравына дөрес җавап таба белә. Шуңа күрә, аның кабинеты, мөгаен, балалар арасында иң яраткан урындыр. Гөлназ Рәшит кызы Шакирҗанова җитәкчелегендә музыкаль чаралар һәрвакыт югары дәрәҗәдә уза.

Искиткеч логопед Аэлита Фикусовна Шархабдуллина балаларны авазларны дөрес әйтергә, кыю һәм матур сөйләргә өйрәтә. Балалар бик теләп аның артыннан бул­ган күнегүләрне кабатлыйлар һәм шөгыльләнәләр.

Беренче тәрбияче ата-аналардан кала икенче кеше. Балалар аңа ышаналар. Өлкәннәр өчен баланы ышанычлы кулларда калдыруыңны һәм тыныч күңел белән эшкә баруыңны аңлау нинди бәхет.

Шулай ук яраткан тәрбиячеләребез Гөлназ Фәнүз кызы Гатауллинага, Венера Хәниф кызы Ибраһимовага, Рина Ринат кызы Зиевага, кече тәрбияче Альмира Рамил кызы Асылгәрәевага зур рәхмәтләребезне белдерәбез. Сез беренче булып безнең балалар өчен белем дөньясына ишек ачтыгыз, балалар йөрәгенә үтеп кердегез һәм аларда мәхәббәт, яхшылык, хөрмәт, шатлык урнаштырдыгыз. һәрвакыт шулай үз тәрбияләнүчеләрегезнең яраткан педагоглары булып калыгыз.

Хөрмәт белән ФАТТАХОВЛАР гаиләсе.