Радий Хәбиров Стивен Сигалға милли көрәш буйынса оҫталыҡ дәресе күрһәтте

Башҡортостан Башлығы вазифаһын ваҡытлыса башҡарыусы Радий Хәбиров Һабантуйҙа танылған Голливуд актеры, хәрби сәнғәт мастеры Стивен Сигалға милли көрәш буйынса оҫталыҡ дәресе күрһәтте. Һабантуй 23 июндә Әбйәлил районында, Асҡар ауылы янында Бөтә Рәсәй инвестиция һабантуйы барышында уҙҙы.

Актер һүҙҙәренсә, был «уның элек таныш булмаған берҙән-бер көрәш төрө». Радий Хәбиров уға милли көрәштең бер нисә алымын күрһәтте.

Радий Хабиров үҙенең «Фейсбук»тағы сәхифәһендә яҙыуынса, «Стивен Сигалдың спорт, шул иҫәптән көрәш донъяһында абруйы ҙур. Беҙ уның менән ошо йүнәлеште үҫтереүҙе , шулай уҡ көрәш һарайына бәйле идеяларҙы тикшерәбеҙ. Ул — Рәсәй Сит ил эштәре министрлығының махсус вәкиле. Күп яҡлы шәхестең тағы бер яғы бар — ул республиканы ҙур агросәнәғәт бизнесын башлау варианттарының береһе булараҡ ҡараған инвесторҙар берләшмәһен күрһәтә, шул иҫәптән АҠШ-тан. Эйе, ул бер кемгә лә селфи төшөүҙән һәм интервью биреүҙән баш тартмай, ләкин ул бушҡа ғына беҙҙең менән ҡыҙыҡһынмай. Бер үк ваҡытта уға беҙҙең һабантуйҙарыбыҙ ҙа ныҡ оҡшай», — тип яҙҙы Башҡортостан Башлығы вазифаһын ваҡытлыса башҡарыусы.

Һабантуйҙа Башҡортостандың 19 районынан, Рәсәйҙең дүрт төбәгенән, шулай уҡ яҡын сит илдәрҙән 100-ҙән ашыу спортсы ҡатнашлығында көрәш буйынса ярыштар уҙҙы. Улар араһында — Рәсәй һәм донъя чемпиондары.

«Башинформ» мәғлүмәт агентлығы, Галина Бахшиева, Розалиә Вәлиева

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78