-11 °С
Болытлы
Барлык яңалыклар
Җәмгыять
12 апрель 2019, 02:00
Шундый җылы һәм үлән үсә иде
Планетаның беренче космонавты Юрий Гагаринның тууына быел 85 ел тулды. Әлеге очышның әһәмиятлелеге турында күп язылган. Мин ул көнне - 1961 елның 12 апрелен яхшы хәтерлим.
Кояшлы, җылы көн иде. Очыш турында кичен генә белдем. Мин ул вакытта Свердлов исемендәге колхозның Чарлак бүлекчәсендә зоотехник булып эшли һәм Йосып авылында яши идем.
8 апрельдән сыерларны Агыйдел елгасы буенда, Аргышныкылар янында, Нугай Баскан һәм Кечә Күл күлләре арасындагы «райзо» болыннарында көтәләр иде инде (болыннар район җир бүлекчәсенә учреждение атларына печән чабу өчен бүленгән иде). Шундый җылы булды һәм үлән үсә иде инде. Мин ул чагында иярле атка атланып йөрдем.Агыйделдә боз киткән һәм баржалар елга буйлап тезелеп уза иде. Малларны бер атна көттек.
Ләкин соңыннан, 16 апрельдә, төньяк җиле исте һәм бер айга «богаулап куйды». Чәчүчеләр тун киеп чәчте. Әмма чәчте. Тик 15 майдан гына җылытты. Иртә җылыту ышанычлы түгел.
Соңрак миңа Энгельс шәһәреннән көньяктарак, Иделдән ерак түгел, шунда яшәүче ханымның бар дөньяга билгеле яшелчә бакчасы янындагы Гагарин җиргә төшкән урында булырга туры килде.
1974 елда Саратов юридик институты каршында квалификация күтәрү курсларында белем алганда экскурсиягә бардык.
Яшелчә бакчасы уйсу җирдә урнашкан иде. Соңрак янәшәдә обелиск куйдылар, без аның янында фотосурәткә төштек.
Менә шундый онытылмаслык көннәр иде. Бик күптән һәм әле генә булган кебек.
Алексей ПЕТРОПАВЛОВСКИЙ, Дүртөйле шәһәре.
Читайте нас:
© 2020-2024 Сайт издания "Юлдаш"
Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.
Телефон
8 (34787) 2-20-03
Электрон почта
Адресы
452320, Республика Башкортостан, Дюртюлинский район, г.Дюртюли, пер.М.Якутовой, 2.
Реклама хезмәте
8 (34787) 2-22-60
Редакция
8 (34787) 2-20-03
Кабул итү бүлмәсе
8 (34787) 2-20-03
Кадрлар бүлеге
8 (34787) 2-21-78