МОГҖИЗА ТУДЫРАЛАР

Исмаел авыл Советы биләмәсендә урнашкан авыллардагы йортларның капка алдына яңа ел сыннары ясау буенча мавыктыргыч бәйге үткәрә һәм анда җиңучеләрне бүләкләү күркәм традициягә әверелде.

Быел карның аз булуына карамастан, халык, әлеге бәйгедә катнашырга ихлас теләк белдереп, урамга матур-матур сыннар эшли башлады да инде. Чишмә авылында яшәүче Гөлназ һәм Алмаз Нафиковлар исә Кыш бабай һәм киләсе елның символы - Дуңгыз баласы сыннарын ясаган. Без аларны истәлеккә фотосурәткә төшереп алдык. Шундый чагу сыннар белән бәйгедә, һичшиксез, җиңеп чыгарлар, дип ышанабыз.