+2 °С
Болытлы
Барлык яңалыклар
Җәмгыять
19 октябрь 2018, 02:00
КОМБАЙН ШТУРВАЛЫ АРТЫНДА УТЫРГАН
“Минем балачагым да, яшьлегем дә булмады, аның каравы, ходайга шөкер, картлыгым бәхетле”, - дип сөенеп туя алмый күптән түгел үзенең 90 яшен билгеләүче, Яңа Биектау авылыннан Фәһимә Шиһабетдин кызы Шәңгәрәева. - Хәзер оҗмахта кебек яшим, балаларым әйбәт, кайгыртучаннар”. Традиция буенча, туган көнендә юбилярны котларга рәсми вәкилләр килде. Район Советы секретаре Рамил Ваһапов аңа ил Президенты Владимир Путинның котлавын тапшырды һәм район хакимияте башлыгы Ринат Хәйруллиннан изге теләкләр җиткерде.
- Ул безнең бүген дә эшләп килгән “Сүнмәс йолдызлар” фольклор коллективына нигез салучыларның берсе, - диде Тәкәрлек авыл биләмәсе хакимияте башлыгы Фәндәвис Төхвәтуллин һәм аңа җылы котлау сүзләре белән торт һәм чәчәкләр тапшырды.
Фәһимә апаның белеме 4 кенә класс булуга карамастан (ары таба укырга сугыш комачаулаган), заманында комбайн йөртергә дә өйрәнгән һәм аңарда 6 ел эшләгән. Башта Иске Баеш авылында, аннары Дүртөйле МТСында. Бу сугыштан соңгы авыр еллар була.
1954 елда ул Яңа Биектау авылы егетенә кияүгә чыга. Бу авылда Фәһимә апа күп еллар колхоз фермасында эшли - сыер савучы да, фуражир да була, бозаулар да карый. “Хәтта ике көн ферма мөдире булып та эшләргә туры килде”, - дип шаярта ул үткәннәрен барлап. Юбилярның гомуми хезмәт стажы 42 ел тәшкил итә.
Ире Мәснәви белән алар дүрт бала үстергән. Улларының берсе, Дүртөйле юл-ремонт төзелеш идарәсе начальнигы Әхнәф Шәңгәрәевны күпләр яхшы беләдер. Әлеге вакытта Фәһимә апа өлкән кызы тәрбиясендә яши. Гомер буе тракторчы булып эшләгән ире күптән инде гүр иясе. Картәни һәм карт картәниләре янына 11 оныгы һәм 11 оныкчыгы килеп йөри. Фәһимә апа 90 яшендә дә үзен яхшы хис итә, аның акылы камил, шаяртырга ярата, көченнән килгәнчә хуҗалык эшләрендә ярдәмләшә. Бәхетле картлык өчен тагын нәрсә кирәк, дияргә генә кала...
Читайте нас:
© 2020-2024 Сайт издания "Юлдаш"
Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.
Телефон
8 (34787) 2-20-03
Электрон почта
Адресы
452320, Республика Башкортостан, Дюртюлинский район, г.Дюртюли, пер.М.Якутовой, 2.
Реклама хезмәте
8 (34787) 2-22-60
Редакция
8 (34787) 2-20-03
Кабул итү бүлмәсе
8 (34787) 2-20-03
Кадрлар бүлеге
8 (34787) 2-21-78