-6 °С
Болытлы
Барлык яңалыклар
Җәмгыять
10 октябрь 2018, 02:00
ЧЫЛТЫРАП АКСЫН ЧИШМӘЛӘР...
Башкортстанда төп су артериясе - Агыйдел елгасы. Тик бездә җирне туендыручы башка бик күп зур булмаган елгалар һәм чишмәләр дә бар. Аларның яр буйларын, тирә-ягын чиста һәм тәртиптә тоту - безнең уртак бурычыбыз.
Нәкъ шуның өчен дә районда аларны төзекләндерү буенча программа булдырылды һәм хәтта “Чишмә - яшәү чыганагы” дигән исем белән конкурс та игълан ителде. Ә аның кысаларында теге яки бу авылда башкарылган эшләрне махсус төзелгән комиссия бәһалады. Шундый сәфәрләренең берсенә аның әгъзалары район гәзите хәбәрчесен дә үзләре белән алды. Без Мәскәү, Урманасты авылларында булдык. Алар Мәскәү һәм Күккуян авыл Советларына карый.
Әйтергә кирәк, күргәннәр шаккатарлык. Хәттә өстән-өстән генә караш ташлау да, әйтик, чишмәдән су алу өчен уңайлы юл булдыру гына түгел, бәлки ял итү, бәйрәмнәр, халык йолаларын (мисалга, киленнең көянтә-чиләкләр белән суга төшкәндә үзенең сылулыгын һәм... хатын-кыз уңганлыгын күрсәтүче туйлар) үткәрергә мөмкин һәм кирәк (!) булган чын ял урыны булдыру өчен никадәр хезмәт (иң мөһиме!) һәм авылдашлары турында җылы һәм ихлас хәстәрлек салынган булуын бәяләргә мөмкинлек бирә.
Мәскәү авылындагы чишмәләрнең берсен, халык телендә “Чытырлы” дип йөртелгәнен, төзекләндерергә Магистраль газүткәргечләрнең Самара шәһәрендәге “Идел буе төбәкара каравыл идарәсе”- нең Дүртөйле каравыл бүлеге, “Пилорама” ИП, “Пожтехника” кебек предприятиеләр ярдәм иткән.
Чишмә тирәсенә агачлар утыртканнар, уңайлы беседка җиһазлаганнар, анда өстәл, эскәмияләр куелган, янәшәдә - чүп савыты. Ә чишмә үзе гүя агач коедан бәреп чыга.
Сүз уңаенда шуны да әйтик, биредә халык өчен мөһим булган икенче бер проблеманы (зиратта агып чыккан җир асты суларын җибәрү) хәл итү өстендә дә эшлиләр. Монда да линия-производство идарәсе эшчәннәре ярдәмгә килгән: алар су агу өчен траншея казыган, аның аша күпер салган.
Ә Урманасты авылындагы чишмәне “Яшьлек” дип атаганнар. Әйткәндәй, Күккуян авыл Советы төзекләндерү белән ныклап шөгыльләнә: үткән елда - икенче, быел беренче урын алулары да очраклы түгел. Чишмәгә турында исә, мактау сүзләре генә әйтергә мөмкин. Монда барысы да исәпкә алынган: ял итү өчен беседка бар, чишмәгә төшү уңайлы, чүп контейнерлары куелган, хәтта чишмә үзе дә түбәләп алынган, аның янәшәсендә эскәмия, анда утырып хәл алырга, чиләкләрне куеп торырга мөмкин. Һәм... истәлек өчен матур фотографияләр эшләргә була.
Безгә исә, барысын да шушы чишмәләргә салкын су алырга һәм биредәге авыл кешеләренең хезмәтен лаеклы бәяләргә чакырырга гына кала.
Читайте нас:
© 2020-2024 Сайт издания "Юлдаш"
Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.
Телефон
8 (34787) 2-20-03
Электрон почта
Адресы
452320, Республика Башкортостан, Дюртюлинский район, г.Дюртюли, пер.М.Якутовой, 2.
Реклама хезмәте
8 (34787) 2-22-60
Редакция
8 (34787) 2-20-03
Кабул итү бүлмәсе
8 (34787) 2-20-03
Кадрлар бүлеге
8 (34787) 2-21-78