-4 °С
Болытлы
Барлык яңалыклар
Җәмгыять
5 октябрь 2018, 02:00
АЛАР ЯЗМЫШЫНДА - ИЛ ЯЗМЫШЫ
Безнең районда халык хуҗалыгы ның төрле тармакларында, мәгариф, медицина өлкәсендә күп еллар дәвамында хезмәт салган кешеләр өчен Өлкән яшьтәгеләр көне, традиция буенча быел да чын бәйрәмгә әверелде: шәһәр Мәдәният сараенда аларның барысын да ихлас тәбрикләделәр.
Биредә хезмәт ветераннарын беренчеләр булып халык осталары каршы алды: алар үзләренең иҗат җимешләрен тәкъдим итте. Әйткәндәй, эшләр аерым бер күргәзмә булдырырлык. Мисалга, балалар сәнгать мәктәбенең элекке директоры Рима Хәмидуллина - тасмалар белән чигелгән үзенчәлекле картиналар, Наталья Рахимова - кулдан эшләнгән гаҗәеп курчаклар куйган. Калган эшләр дә сокланырлык.
Аннары рәсми тантана булды. Район хакимияте башлыгы Ринат Хәйруллин җыелучыларга тәбрикләү сүзе белән мөрәҗәгать итеп: “бу бәйрәм - дәверләр, буыннар бәйләнешен гәүдәләндерүче изгелек һәм ихтирам көне”, дип билгеләде һәм “...аларның гомер көзе алтын булсын!
Безнең уртак бурычыбыз исә - аларга тыныч картлык тәэмин итү, аларны ярату һәм хөрмәт белән чолгап алу, чөнки, “Ветераннар язмышында - ил язмышы”, дип бик дөрес әйтелгән”, дигән теләкләрен җиткерде.
Аннары ул тантаналы шартларда район ветераннарына җәмәгать тормышында актив катнашкан өчен муниципаль район хакимиятенең Почет грамоталарын тапшырды. Бу район мәдәният идарәсенең, Семилетка авыл Советының, “Дүртөйле сөт продуктлары комбинаты” җәмгыятенең, Әсән авыл Советының, Дүртөйле электр һәм җылылык челтәрләре муниципаль унитар предприятиесенең башлангыч ветераннар оешмалары рәисләре Резеда Зарипова, Миргалим Бикмәтов, Рәкыя Сәйфегалиева, Лилия Фазлыева, Рим Шәрәфетдинов.
Бергә гомер итүләренең быел 50, 60 елларын билгеләүче гаилә парлары да бу көнне истәлекле бүләкләр алды. Алар - Рәйлә һәм Рәдиф Хәбировлар, Роза һәм Исламгали Шабаевлар, Зөләлә һәм Насретдин Валишиннар, Зөлфия һәм Фәрит Нәбиевлар, Әнисә һәм Фән Фәтхелбаяновлар, Нина һәм Виктор Тришиннар, Лира һәм Зәлфит Ишмуратовлар, Рифа һәм Равил Сәетгәлиевлар, Рәзифә һәм Гафурҗан Гыйльмановлар, Флизә һәм Фәнис Хәлиуллиннар.
Шәһәр һәм район ветераннар оешмасына спонсорлык ярдәме күрсәткән өчен “Таң” җәмгыяте директоры Ринат Сәхибзадинга, “Дүртөйле технологик транспорт идарәсе” начальнигы Вадим Амировка һәм “Мирас” мәчете имам-хатибы Рамил Исәнбердинга район хакимияте башлыгының Рәхмәт хаты тапшырылды.
Ветераннарны кайчандыр үзләре уртак эш өчен бар көчләрен салган хезмәт коллективлары вәкилләре дә котлады.
Ә үзешчән сәнгать осталары җыелучыларга менә дигән концерт тәкъдим итеп, аларны моңлы җырлары һәм дәртле биюләре белән сөендерде.
Читайте нас:
© 2020-2024 Сайт издания "Юлдаш"
Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.
Телефон
8 (34787) 2-20-03
Электрон почта
Адресы
452320, Республика Башкортостан, Дюртюлинский район, г.Дюртюли, пер.М.Якутовой, 2.
Реклама хезмәте
8 (34787) 2-22-60
Редакция
8 (34787) 2-20-03
Кабул итү бүлмәсе
8 (34787) 2-20-03
Кадрлар бүлеге
8 (34787) 2-21-78