Юлдаш
+21 °С
Болытлы
Барлык яңалыклар
Җәмгыять
7 сентябрь 2018, 02:00

БЕЗНЕҢ ИХАТАДА...

Җәйнең соңгы ямьле көннәренең берсендә Горшков урамында­гы 25 нче йорт алдында музыка яңгырады, Балалар һәм үсмерләр иҗатын үстерү үзәгеннән концерт костюмнарына киенгән балалар килде. Күңелле тавышка якын- тирә йортларда яшәүчеләр, ко­ляска белән әниләр, картәниләр, эскәмияләрдә утырган әбиләр һәм бала-чага җыелды.

“Бүген без чираттагы ихата бәйрәменә җыелдык, биредә төзекләндерү эшләре тәмамланды. “Уңайлы шәһәр мохите” про­екты былтыр “Бердәм Русия” сәяси партиясе тарафыннан башланган иде һәм ул уңышлы эшли. Төзекләндерелгән ихаталардагы йорт­ларда яшәүчеләр үзләре дә анда өлешчә финанслауда катнаша, шуңа да алар төзелгән объектларга, асфальт җәелгән юлларга һ.б. сакчыл карар дип ышанабыз”, - диде Горш­ков, Садовая һәм 1-Май урамнарына караган йортларда яшәүчеләрне тәбрикләргә килгән район хакимияте башлыгы Ринат Хәйруллин.

Бу җәйдә әлеге урамнардагы берничә йорт территориясендә төзекләндерү буенча зур эш башкарылды, шул исәптән инженерлык челтәрләрен яхшырту буенча да. Муници­палитет җитәкчесе, барысына да уңышлар теләп, биредә яшәүчеләр үз йорт алларын тәртиптә тотудан тыш, аны бизәү, матурлау, яшелләндерү эшен дәвам итәр дигән ыша­ныч белдерде.

Үткән елда партия проекты кысаларында 1-Май урамындагы йорт алларының берсе төзекләндерелгән иде. Бүленгән акчаларның бер өлеше шәһәрнең административүзәгендә урнашкан Матросов паркын яңартуга тотыл­ды. Анда эшләр быел да дәвам итә. Күптән түгел Әсән авылында да ихата бәйрәме үтте, анда да югарыда әйтелгән проект ярдәмендә үзгәрешләр кертелде. Эшләр тәмамлангач, мондый бәйрәмнәр үткәрү традициягә әверелде дисәк тә була.

Горшков урамындагы тантаналарның бе­ренче өлеше тулысы белән балаларга багыш­ланды. Алар чараны алып баручылар тәкъдим иткән төрле уеннарда рәхәтләнеп катнашты, йөгерештеләр, күңел ачтылар, ә соңыннан тәмлекәчләр белән сыйландылар. Балалар һәм үсмерләр иҗатын үстерү үзәгенең иҗади берләшмәләреннән яшьтәшләре аларны күңелле җырлар һәм матур биюләр белән дәртләндерде.

Программаның икенче өлеше зурлар өчен иде. Аларга мәгариф идарәсенең үзешчәннәре бәйрәм кәефе бүләк итте. Чираттагы бер эш көненең микрорайонда яшәүчеләргә яхшы кәеф бүләк итеп, шун­дый көтелмәгән бәйрәм белән тәмамлануы ничек яхшы.

Әлеге йорт алды территориясендә шәһәрдәге берничә предприятие эшләде. Алар барысы да кыска гына вакыт эчендә зур эш башкарды. Шуңа да, шәһәрдә тагын бер йорт алдын матурлаучылар шәһәр хакимияте башлыгы Илмир Гәрәев кулын­нан Рәхмәт хатлары алды. Алар исәбендә “Башкиравтодор”, Дүртөйле җылылык һәм электр челтәрләре, “Шәһәр торак идарәсе” һәм “Жилстрой” идарәче компанияләр, шу­лай ук музыка мәктәбе. 1-Май урамындагы 106 санлы йортта яшәүчеләрдән инициатив төркем дә бүләккә ия булды.

“Хәзер без биредә коляскалар белән рәхәтләнеп йөрибез, - дип шатлыгын уртак­лашты биредә яшәүче яшь әниләрнең берсе Нина Мирхәйдәрова. - Югыйсә, биредә үтеп йөрү дә проблема иде, аеруча көзге һәм язгы начар көннәрдә, бар җирдә чокыр-чакыр иде. Хәзер йорт алларына керүче автомашиналар һәм җәяүлеләр бер-берсенә комачауламый, транспорт кую өчен урын уңайлы. Үзгәрешләргә бик шатбыз”.

106 санлы йортта яшәүче олы яшьтәге ханым да шундый ук сүзләр әйтте: “Биредә, мөгаен, кырык еллап ремонт булмагандыр. Ә хәзер менә ничек матур, уңайлы, йорт алдына чыгуы күңелле”.

Киләчәктә, партия проектына ярашлы, мондый матур йорт аллары тагын да артыр дигән ышаныч бар.


Резеда ӘХМӘТНУРОВА







Читайте нас: