ДӘҮЛӘТ РУХЫ - АНЫҢ СИМВОЛЛАРЫНДА

Шәһәр мәдәният сараенда Русия Федерациясе Президенты каршындагы Геральдика Советында таныкламаларны теркәү көненә 10 ел тулуга һәм Башкортстан Республикасы муниципаль берәмлекләренә рәсми символларны тантаналы рәвештә тапшыру церемониясенә багышланган тантаналы чара узды.

Шәһәр мәктәпләренең өлкән сыйныф укучылары, күппрофильле колледж студентлары, җәмәгатьчелек вәкилләре чара кунаклары булды. Паркет залында Русия Федерациясе субъектлары, Башкортстан Республикасы шәһәрләре һәм районнары дәүләт символлары күргәзмәсе оештырылды. Аны оештыручылар - «Башкортстан Республикасы муниципаль берәмлекләре Советы» ассоциациясе, «Бердәм Русия» Бөтенрусия сәяси партиясе яклавындагы «Символика» җәмгыяте.

Район хакимияте башлыгы Ринат Хәйруллин чарага җыелучыларны әлеге дата белән котлады һәм муниципаль берәмлекнең төп элементлары, аларның урнашуы һәм символик мәгънәсе турында сөйләде.

Район Советы секретаре Рамил Ваһапов БР Дәүләт символикасы турындагы законга җентекле тукталды. - Акция, республиканың барлык шәһәрләрен колачлап, октябрьдә старт алды һәм декабрьдә тәмамланачак, - диде «Символика» җәмгыяте директоры Вил Гайнет- динов. - БР символлары Берләшкән милләтләр оешмасында экспертиза үткән вакытта безгә экспертларның шундый сүзләрен тапшырдылар: «Сез - үз символикасында хәрби, сугышчан символлар күрсәтелмәгән бердәнбер дәүләт».

Дүртөйле районы гербы һәм флагы муниципаль район Советы карары белән расланган һәм 2007 елның 10 апрелендә БР Президенты каршындагы Дәүләт символикасы буенча комиссиядә, шуннан соң РФ Президенты каршындагы Геральдика Советында рәсми рәвештә теркәлгән. Идея авторы һәм сәнгати башкаручысы - Фәрит Зиннур улы Галләмов.

Район гербы композициясе нигезендә төбәкнең барлыкка килү тарихы, икътисади һәм тарихи үсеше, аның табигый шартлары үзенчәлекләре һәм эшчәнлегенең төп профиле чагылды- рылган.

Район флагы - яклары 2:3 зурлыгында булган яшел төстәге, турыпочмаклы тукыма, герб композициясенең яшел, сары, зәңгәр, кара һәм ак төсләрдәге күчермәсе ул.

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78