Юлдаш
-8 °С
Болытлы
75 лет Победы
Барлык яңалыклар
Мәгариф
1 ноябрь 2021, 15:25

Балаларга иң яхшысы

Дүртөйле укытучылары Ру­фина Галимҗанова һәм Эльза Мөхәммәтҗанова татар теле буенча уку әсбабын төзүдә катнаш­ты. Милли туган тел һәм әдәбият укытучылары, М.Акмулла исемендәге Башкорт дәүләт педагогия университеты белән тыгыз хезмәттәшлек иткән, татар теле һәм әдәбияты укытучы­лары берләшмәсендә тора.

Балаларга иң яхшысы
Балаларга иң яхшысы

Моннан берничә ел элек, бе­лем бирүнең сыйфатын һәм ме­тодикасын яхшырту максатыннан, мәктәпләрдә эшләүче укытучы­   ларга доцент,филология фәннәре докторы, татар теле һәм әдәбияты кафедрасы мөдире Насипов Илшат Сәхиятулла улы җитәкчелегендәге университетның преподавательләр составы, мәктәп укучылары өчен татар теле буенча яңа уку әсбабын төзүдә катнашырга тәкъдим иткән.

Укытучылар-практиклар һәм галимнәрнең иҗат коллективы берничә ел дәвамында «Башкортстан Республикасының рус теле өйрәтелгән гомуми белем бирү оешмаларында туган татар теле дәресләрен методик тәэмин итү» проекты өстендә эшли һәм 2020 елда проект Башкортстан Республикасының дәүләт телләрен һәм халык телләрен саклауга, үстерүгә юнәлдерелгән Башкортстан Республикасы Башлыгының грантлар бәйгесендә җиңүче була.

Һәр ярты ел саен педагоглар белән туган телләрне, аерым ал­ганда татар телен укытуны яхшырту буенча фәнни-методик семинарлар үткәрелә. Мәсәлән, быел 16 мартта БРның рус теле өйрәтелгән гомуми белем бирү мәктәпләрендә татар теленнән уку әсбапларын әзерләү буенча чираттагы методик семи­нар узды.

Дүртөйле укытучылары Галимҗанова Руфина Фәрит кызы һәм Мөхәммәтҗанова Эльза Риза кызы тырыш хезмәт, иҗади эзләнүләр һәм гамәли матери­алны җентекләп эшкәрткәннән, төзәтмәләр керткәннән соң, 7 нче сыйныф өчен татар теле буенча уку әсбабының автордашлары булды.

Агымдагы елның җәендә Баш­кортстан Республикасының рус теле өйрәтелгән гомуми белем бирү оешмаларының 1-4 нче һәм 5-9 нчы сыйныфлары өчен уку әсбаплары линиясе дөньяга чыкты. Якташла­рыбыз автордашлар булган 7 нче сыйныф өчен басманың тиражы -  2680 данә тәшкил итте.

Руфина Фәрит кызы үзенең педа­   гогик эшчәнлеген 1990 елда Суккул урта мәктәбендә татар теле һәм әдәбияты укытучысы булып баш­лаган, 1993 елдан бүгенге көнгә кадәр ул беренче урта мәктәптә эшли. Эльза Риза кызы - Мәскәү урта мәктәбенең татар теле һәм әдәбияты укытучысы.

«Яңа уку әсбабын башкалар­дан нәрсә аера?» дигән сорауга Руфина Фәрит кызы: «Аны Татар­стан Республикасында чыгарыл­ган дәреслекләр белән беррәттән кулланырга мөмкин», - дип җавап бирде. Әсбапта урындагы төбәк компоненты материалы исәпкә алынган, биремнәрдә Башкорт­стан турында текстлар, республика язучылары һәм шагыйрьләренең әсәрләре кулланылган. Рус тел­ле балалар өчен барлык яшь таләпләре, әсбап исәпкә алын­ган. Ул ныграк аңлашыла, барлык күнегүләр дә җиңел эшләнелә, дип билгели безнең укытучылар.

Проектны тормышка ашыруның беренче этабында татар теле бу­енча башлангыч һәм төп гомуми белем бирү программаларын төзү (1-4 нче, 5-9 нчы сыйныфлар) булган. Икенчесендә - уку әсбапларының   кулъязмаларын әзерләү.

Автордашлары безнең район укытучылары булган Башкорт­стан Республикасының рус теле өйрәтелгән гомуми белем бирү оешмаларының 7 нче сыйныфы өчен «Татар теле» уку әсбабына морфология буенча теоретик һәм гамәли материаллар: «Фигыль», «Предикатив сүзләр», «Бәйлек һәм бәйлек сүзләр», «Модаль сүзләр», «Кисәкчәләр», «Ымлыклар» һәм «Ияртемнәр» кергән.

«Уку әсбабын булдыруда катнашу безгә хезмәттәшләребез белән тәҗрибә уртаклашу һәм укучылар өчен аңлаешлырак материаллар булдыру мөмкинлеге бирде», - дип уртаклаша Руфина Фәрит кызы.

Мәкалә геройларының киләчәккә планнары зур. Мәсәлән, күптән түгел Эльза Риза кызы безнең рай­онны Мәскәүдә узган I Бөтенрусия сыйныф җитәкчеләре форумын­да тәкъдим иткән. Хәзер безнең педагоглар укытучылар өчен уку әсбабы буенча методичка төзү өстендә эшли.  

Автор:Карина Гайсина  
Читайте нас в