Башҡортостанда 33 мәктәп карантинға ябылған

Башҡортостанда 33 мәктәп карантинға ябылған, тип хәбәр итте «Башҡортостан 24» телеканалы эфирында республиканың мәғариф министры вазифаһын башҡарыусы Айбулат Хажин.

Уның һүҙҙәренсә, грипп һәм ОРВИ менән сирләүселәрҙең күп булыуына бәйле республиканың айырым белем биреү учреждениеларында 60-тан ашыу класта дәрестәр туҡтатылған. Класта йәки мәктәптә ауырыусылар һаны 20% етһә, карантин индерелә.

Бынан алда агентлыҡ хәбәр иткәнсә, Өфөнөң 12 мәктәбендә карантин иғлан ителгән, өс мәктәп тулыһынса ябылған: 123-сө лицей, 49-сы мәктәп һәм Рыбалко исемендәге 113-сө мәктәп.

Әлеге ваҡытта республикала киҫкен респиратор вирус инфекцияһы һәм киҙеү буйынса эпидемик сик 46% артҡан. Уҙған аҙнала (4 февралдән 10-ына тиклем) 33 меңдән ашыу кешегә ОРВИ диагнозы ҡуйылған, уларың 21 меңдән күберәге — балалар.

«Башинформ» мәғлүмәт агентлығы, Гөлфиә Акулова

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78