Республикала бер юлы 25 мәктәп тамамлаусы рус теленән 100 балл йыйған

6 июндә уҙған рус теле буйынса берҙәм дәүләт имтиханы һөҙөмтәләре билдәле булды. Башҡортостанда был фәнде 18 меңдән ашыу кеше тапшырҙы, быйыл бер юлы 25 уҡыусы максималь балл йыйыуға өлгәште. Уларҙың һигеҙе — Өфө мәктәптәренән, ҡалғандары Күмертау, Нефтекама, Салауат, Стәрлетамаҡ ҡалаларынан, Асҡын, Благовещен, Бөрйән, Дыуан, Дүртөйлө, Ишембай, Мәләүез, Туймазы һәм Өфө райондарынан, тип хәбәр иттеләр Башҡортостан Мәғариф министрлығынан.

Былтыр республикала 32 уҡыусы 100 балға яҙғайны.

Шулай итеп, бер нисә имтихан биреү һөҙөмтәләре буйынса Башҡортостанда 100 баллыҡ 48 эш бар. Информатика буйынса — 9 кеше, география — 2, профилле математика — 3, тарих — 3, химия — 6 һәм рус теленән — 25.

Быйыл Рәми Ғарипов исемендәге 1-се Башҡорт республика гимназия-интернатын тамамлаусылар яҡшы һөҙөмтәләр күрһәтә. Был мәктәптә әле йөҙ балл йыйған дүрт уҡыусы бар. Улар — Эльдар Сакаев (информатика), Шамил Әхтәмов (химия), Ислам Сундуков (профилле математика), Алина Нотфуллина (рус теле).

http://www.bashinform.ru/news/1176134-v-bashkirii-nabrali-100-ballov-po-russkomu-yazyku-srazu-25-vypusknikov/

«Башинформ» мәғлүмәт агентлығы, Эльмира Сабирова

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78