ИЗГЕ БАТЫРЛЫГЫ ӨЧЕН БҮЛӘК КӨТМИЧӘ

Районда Башкортстан Республикасының халык шагыйре Наҗар Нәҗминең тууына 100 ел тулуга багышланган чаралар үтә. Аларның берсе Иванай авыл китапханәсендә оештырылды. Чараны алып баручылар Гөлназ Ханова һәм Гөлчирә Хәмидуллина шагыйрьнең дөнья әдәбиятындагы урыны турында сөйләде. Драматург Мөдәрис Мөсифуллин һәм шагыйрь Фәнис Рәхмәтуллин аның турындагы хатирәләре белән бүлеште. В. Горшков исемендәге Яшьләр үзәге мөдире Гөлшат Шәйхлисламова аның иҗатына тукталды. Кичәгә “Дулкын” әдәби-иҗат клубы әгъзалары чакырылган иде. Күренекле шагыйрьләр һәм язучыларның иҗаты акрынлап өйрәнү предметына әверелә. Алар турында язылган хезмәтләр кайчак аларның әсәрләре күләмен дә узып китә. Ул гына да түгел, әдипләр турында сәнгать әсәрләре язылыргадамөмкин.