Юлдаш
-20 °С
Болытлы
75 лет Победы
Барлык яңалыклар
АГРОСӘНӘГАТЬ ҮСЕШЕ
3 сентябрь 2019, 02:00

Кышка әзерләр

Традиция буенча, җәй ахырында районның авыл хуҗалыгы предприятиеләренең терлекчелек объектлары үзенчәлекле имтихан тота - фермаларга паспорт тапшырыла.

Традиция буенча, җәй ахырында районның авыл хуҗалыгы предприятиеләренең
терлекчелек объектлары үзенчәлекле имтихан тота - фермаларга паспорт тапшырыла. Таләпчән комиссия аларның, әлегә җәйге лагерьларда асралган малларны кабул итүгә әзерлеген тикшерә.

Шушы көннәрдә аның вәкилләре“Игенче” җәмгыятендә булды.

Хуҗалыкта ике ферма бар - Түбән Аташ һәм Таштау авылларында, аларда барлыгы 1230 баш мөгезле эре терлек асрала.

- Малларны җәйләүләргә чыгару белән, ремонт эшләренә тотындык. Билгеле, башта абзарлар тирестән тазартыла, дезинфекция ясала, буяу-агарту үткәрелә, - дип сөйли башкарылган эшләр турында хуҗалыкның баш зоотехнигы һәм берүк вакытта Түбән Аташ фермасы мөдире булган Рәфит Әхмәтов. - һәркем намус белән эшләде.

Түбән Аташ фермасында мал абзарларының берсе тана сыерлар асрау өчен үзгәртеп корылган. Анда яңа җиһазлар - сөтүткәргеч, суыткыч урнаштырылган, шулай ук идәннәр яңартылган. Үткәрелгән реконструк­ция биредә асралачак малларның баш санын шактый арттырырга мөмкинлек биргән. Элек алар 60 булса, хәзер - 160.

Таштау фермасында да күләмле эш башкарылган. Атап әйткәндә, 120 баш­ка исәпләнгән бозаулар абзарында яңа азык өстәле, җылытылган су эчергеч куелган, сыерлар абзарында би­наны яктырту җиһазлары яңартылган. Биредә шулай ук малларны чыгарып йөртү урыны бар.

Авыл хуҗалыгы предприятиесе фермаларында печән, сенаж, дару үләннәре, яфраказык запаслары да җитәрлек тупланган.

Ике фермага да малларны кыш­латуга әзерлек турында паспортлар тапшырылды.



Читайте нас в