Башҡортостанда әсәнең һәм ике баланың ғүмерен өҙгән янғын тураһында тулыраҡ мәғлүмәт билдәле булды

Дәүләкән ҡалаһында төнгө янғын 30 йәшлек ҡатындың һәм уның 6 йәшлек ҡыҙы менән 10 йәшлек улының ғүмерен өҙгән. «Башинформ» агентлығына сығанаҡ һөйләүенсә, һуңғы ваҡытта ҡатын эскеләгән, ләкин, шуға ҡарамаҫтан, балаларын ташламаған — улар хаҡында хәстәрлек күргән. Шулай ҙа ғаилә урындағы опека бүлегендә иҫәптә торған.

«Балалар таҙа, бөхтә йөрөнө, — тине әңгәмәсе. — Ул алкоголь менән ныҡ мауыҡмай ине, ләкин кискеһен фажиғә булыр алдынан ул эскән – өйөндә түгел, ә икенсе ерҙә. Ҡатын ике йыл элек тол ҡалды. Һуңынан ул бер ир менән йәшәй башланы, гел әрләшә инеләр».

Яҡынса мәғлүмәттәр буйынса, 7 майҙа төндә тәүҙә верандаға ут тоҡанған, өйҙәге бүлмәләр төтөн менән тулған. Карауатта йоҡлап ятҡан балалар, шулай уҡ уларҙы әсәһе һөрөм еҫенән ағыуланған. Ялҡын телдәре мунсаны ла ялмап алған – ҡыйыҡ янып бөткән. Йорт ике ғаиләгә төҙөлгән – икенсе яртыһына ут барып етмәгән.

Өйҙә янғын тураһында хәбәр иткән прибор ҡуйылмаған. Хәҙер янғын сығыуҙың бер нисә версияһы ҡарала, улар араһында – электр сымының төҙөк булмауы һәм ут төртөү.

«Ваҡиға урынында тәфтиш-оператив төркөм эшләй. Фажиғә урыны тикшерелә, шаһиттарҙан һорау алына, экспертиза тикшереүе тәғәйенләнгән», — тип белдерҙеләр республика Тәфтиш комитетының матбуғат хеҙмәтендә.

«Башинформ» мәғлүмәт агентлығы, Ксения Калинина

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78