+1 °С
Кар
Барлык яңалыклар
Кырын гамәлләр
2 октябрь 2018, 02:00
ГАИЛӘ БЕЛӘН ҺӘЛАК БУЛГАННАР
17-23 сентябрьдә район эчке эшләр бүлегенең дежур частенда төрле кырын гамәлләр турында 162 гариза һәм хәбәр теркәлгән, шуларның 11е - криминаль характерда.
Мәскәү-Уфа федераль трассасының 1239 нчы километрында булган юл-транспорт фаҗигасе факты буенча җинаять эше кузгатылган. Бакалы районында яшәүче кеше идарә иткән җиңел автомобиль, сул якка борылучы автомашинага бәрелгән. Икенче автомобильдәге водитель алынган җәрәхәтләрдән үлгән.
Балигъ яшьтә булмаган кызын акча урларга җәлеп иткән өчен Түбән Манчар авылында яшәүче хатын-кыз Җинаять кодексы буенча җавап бирәчәк.
Исмаел урта мәктәбендә укучы кызның 12000 сумлык кесә телефонын урлаганнар.
Шәһәрнең Фатима Фазлетдинова урамында яшәүче берәүнең йорт алдында караучысыз калдырылган “Нива” автомашинасыннан җинаятьчеләр 4 тәгәрмәчен салдырып алган. Урлашу 11-21.30 сәгатьләрдә булган.
Районда яшәүченең йортыннан дрель, шуруповерт һәм бер капчык он урлаганнар. Полицейскийлар җинаять кылучының шәхесен ачыклаган - ул Йосып авылында яшәүче кеше.
Кулына пычак алып, хатынына янаган шәһәрдә яшәүче, 1973 елгы кешегә Җинаять кодексы буенча җавап бирергә туры киләчәк.
Риковский тыкрыгы буйлап йорт янында туктаган “ГАЗель” автомашинасыннан, угрылар район үзәгендә яшәүченең сварка аппаратын урлаган. Хокук сакчылары каракның шәхесен ачыклаган.
Участок уполномоченныйлары Үткен авылы янындагы басудан 4 рулон печән югалу фактын ачыклаган. Печән урындагы авыл хуҗалыгы предприятиесенеке булган.
Юл-патруль хезмәте инспекторлары Ярмия авылында ВАЗ-2107 автомашинасы руле артына утырган исерек водительне тоткарлаган. ФИС базасы буенча тикшерү күрсәтүенчә, автомобиль йөртүче моңа кадәр шундый ук тәртип бозган өчен водитель таныклыгыннан мәхрүм ителгән булган инде.
18 сентябрьдә “М-7” федераль трассасының 1235 нче километрында автомобиль авариясендә кешеләр һәлак булган. “Лада Гранта” автомобиле водителе каршы як полосага чыккан һәм “Ивеко Сталис” маркалы зур йөк машинасы белән бәрелешкән. Бәрелүдән транспорт чаралары юл читенә төшкән. Беренче машинада булганнар барысы да - водитель, аның хатыны һәм балигъ яшьтә булмаган ике бала -Уфа районында яшәүчеләр - алган җәрәхәтләрдән, ашыгыч ярдәм машинасы килгәнче, үлгән.
Бу атнада полиция документларында криминаль булмаган 11 үлем очрагы теркәлгән.
Административ хокук бозулар турында бүлек хезмәткәрләре, шул исәптән, ЮХХДИ инспекторлары тарафыннан 251 поротокол төзелгән.
24 кеше җәмәгать урыннарында исерек килеш күренгән өчен, 3 кеше - кеше күп җыелган урыннарда спиртлы эчемлекләр эчкән өчен штрафка тартылган. 2 кеше әти-әни бурычларын тиешенчә үтәмәгән өчен штраф түләячәк.
Автоинспекторлар исерек килеш руль артына утырган 2 водительне туктаткан, 20 кеше хәвефсезлек каешларын эләктермәгән булган. 22 автомобиль йөртүченең ОСАГО страховка полисы, 5 кешенең балалар йөртү кәнәфие булмаган.
Хокук бозучылар урындагы бюджетка 162700 сум акча кертәчәк.
Эчке эшләр бүлеге.
Читайте нас:
© 2020-2024 Сайт издания "Юлдаш"
Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.
Телефон
8 (34787) 2-20-03
Электрон почта
Адресы
452320, Республика Башкортостан, Дюртюлинский район, г.Дюртюли, пер.М.Якутовой, 2.
Реклама хезмәте
8 (34787) 2-22-60
Редакция
8 (34787) 2-20-03
Кабул итү бүлмәсе
8 (34787) 2-20-03
Кадрлар бүлеге
8 (34787) 2-21-78