-4 °С
Болытлы
Барлык яңалыклар
Кырын гамәлләр
18 сентябрь 2018, 02:00
КЕШЕЛӘРНЕ «СЫЙЛАУГА» ҖИНАЯТЬ ҖАВАПЛЫЛЫГЫ КАРАЛГАН
3-9 сентябрьдә район эчке эшләр бүлегенең дежур частенда төрле кырын гамәлләр турында 138 гариза һәм хәбәр теркәлгән, шуларның 10 сы - криминаль характерда.
Әңгәсәк аылында яшәүче бер тыкрыкта тукмалган ир-егетне күрә һәм бу хакта хокук саклау органнарына хәбәр итә. Вакыйга урынына килгән тикшерү- оператив төркем ачыклавынча, зыян күрүче Дүртөйледә яшәүче булып чыга. Аны ике кеше (аларның берсе Туймазы шәһәрендә яшәүче) бик каты тукмаган һәм егетнең сәламәтлегенә авыр зыян китергән. Факт буенча РФ Җинаять кодексының 111 статьясы 2 өлеше буенча җинаять эше кузгатылган.
Аргамак авылында яшәүченең мунча алдыннан аккумулятор бата- реясын урлаганнар. Урлашу очрагы буенча тикшерү бара.
Эчке эшләр бүлегенә “Юпитер+” ОП җәмгыяте карвавылчысыннан, билгесез кешеләрнең “Башнефте- геофизика”га караган аккумулятор батареясын һәм геофизик приборны урлаулары турында хәбәр алына. Югалган милек Семилетка авылы тирәсендәге урманда караусыз калдырылган була.
Каеш авылында ике бертуган сугышкан. Олысы кечерәгенә пычак белән кадаган, аның муенын, беләзеген, иңбашын һәм колагын җәрәхәтләгән. Зыян күрүче медицина ярдәме күрсәтү өчен район дәваханә- сенә китерелгән.
Сәламәтлеккә җиңелчә зыян китергән өчен район үзәгендә яшәүче берәүгә Җинаять кодексы буенча җавап бирергә туры киләчәк, ул Ленин урамындагы 28 нче йорттагы фатирларның берсендә Дүртөйледә яшәүчегә тән җәрәхәтләре ясаган.
Ивач авылы товарлыклы-сөтче- лек фермасыннан тимер торбалар урлау факты полициянең участок уполномоченные тарафыннан ачыкланган.
Полиция хезмәткәрләре тарафыннан үткәрелгән “Тикшерү өчен сатып алу” оператив-тикшерү чаралары барышында Мәскәү авылында яшәүче хатын-кызның законсыз рәвештә кабаттан да составында спирт булган продукция сату факты ачыкланды. Законны берничә тапкыр бозган өчен аңа хәзер Җинаять кодексы буенча җавап бирергә туры киләчәк.
Дүртөйле сөт комбинатыннан 100 килограмм акмай урлау факты буенча җинаять эше кузгатылган.
Мебель ясау белән шөгыльләнүче эшкуарларның берсенә карата шәһәрдә яшәүче гариза язган. Бизнесмен кухня мебеле өчен 20 000 сум күләмендә алдан түләү алган, тик үз эшен вакытында башкармаган.
Шул ук эшкуар Иванай аылын- да яшәүчегә кухня мебеле эшләү турындагы килешү шартларын да бозган, ягъни заказчы әле булса вәгъдә ителгән мебельне алмаган.
Хокук саклау органнарына Яңа Кәңгеш авылында яшәүче хатын-кыздан гариза алынды. Анда ул шул авылда Лесная урамында урнашкан йорттан бензопычкы урлаулары турында хәбәр иткән. Полицейскийлар кырын гамәл кылучының шәхесен ачыклады.
Карак Исмаел авылында яшәүче хатын-кызның, бәясе 8000 сумнан артык булган кесә телефонын урлаган. Факт буенча тикшерү бара.
“Восточная кухня” кафесына (Ленин ур., 2/2 адресы буенчас урнашкан) килүче берәү оешма хуҗасының кесә телефонын урлаган. Хокук сакчылары каракның шәхесен ачыклаган.
Полиция документларында җиде көн эчендә криминаль булмаган 6 үлем очрагы теркәлгән.
Бу атнада бүлек хезмәткәрләре административ хокук бозулар турында 57 протокол төзегән.
Җәмәгать урыннарында эчкән килеш күренгән өчен 36 кешегә, шунда ук спиртлы эчемлекләр эчкән өчен 15 кешегә җәза бирелгән. Штраф салынучылар исәбендә 1 гамьсез әти-әни дә бар.
Хокук тәртибе сакчылары тарафыннан барлыгы 27500 сумлык штрафлар салынган.
Район эчке эшләр бүлеге.
Читайте нас:
© 2020-2024 Сайт издания "Юлдаш"
Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.
Телефон
8 (34787) 2-20-03
Электрон почта
Адресы
452320, Республика Башкортостан, Дюртюлинский район, г.Дюртюли, пер.М.Якутовой, 2.
Реклама хезмәте
8 (34787) 2-22-60
Редакция
8 (34787) 2-20-03
Кабул итү бүлмәсе
8 (34787) 2-20-03
Кадрлар бүлеге
8 (34787) 2-21-78