МЕТАЛЛ «СЫНЫКЛАРЫ» АУЧЫЛАРЫ

Аюкаш авылында яшәүче берәүгә карата ике җинаять эше кузгатылган. Ул кулына кухня пычагы алып, район үзәгендә яшәүче ир кешегә һәм хатын- кызга үтерү белән янаган.Районда яшәүче берәүгә, суд тара­фыннан үзенә салынган административ күзәтү чикләүләрен берничә тапкыр бозган өчен җинаять җаваплылыгы яный.

Миядек авылында яшәүче бер хатын-кыз кулына чалгы тотып, шул авылда яшәүчегә үч алу белән яна­ган. Хатынның гамәлләре Җинаять кодексының 119 нчы статьясына эләгә.

Ивач авылында яшәүче ир кулына йә сәнәк, йә балта тотып, хатынына берничә тапкыр үтерү белән янаган. Зыян күрүче ире өстеннән полициягә гариза язган, барлык фактлар буенча җинаять эшләре кузгатылган.

Мәскәү авылында яшәүче кеше оныгының LG маркалы кесә телефоны урлаулары турында хокук саклау орган­нарына хәбәр иткән.

Мәскәү - Уфа федераль автомо­биль юлында юл хәрәкәте хәвефсезлеге инспекторлары руль артында исерек водитель утырган ВАЗ-2109 маркалы автомашинаны туктаткан. ФИС базасы буенча тикшерү күрсәтүенчә, һәвәскәр автомобильче - Семилетка авылы ке­шесе - шундый ук хокук тәртибе бозган өчен транспортка идарә итү хокугыннан мәхрүм ителгән булган инде.

Дүртөйле - Груздевка автомобиль юлындаавтоинспекторлар янә бер исерек водительне туктаткан. Көшел авылында яшәүче кеше медицина тикшерүеннән баш тарткан. Өстәвенә, шундый хокук бозуы өчен аңа административ җәза бирелгән булган инде.

Ленин урамында хокук сакчыла­ры тарафыннан тоткарланган шәһәрдә яшәүче, 1986 елгы берәүгә наркотик матдәләр саклауда шик тотыла.

“Металл сыныклары аучылары” Иванай авылында яшәүче хатын-кызның “Чулпан” коллектив бакчаларда урнашкан дача йортыннан металл изделиеләр алып чыгыпкиткәннәр.Урашучыларныңшәхесе ачыкланган, алар җавапка тартылачак.

Җиңел табыш яратучылар шул ук бакчалардагы участоктан тимер торбалар һәм коймалар урлаган.

Йосып авылында яшәүче хатын- кызның өенә, тәрәзә ватып, билгесез кеше кергән. Хокук сакчылары ачыкла­вынча, йортта яшәүченең тынычлыгын авылдашы бозган.

Бу атнада хокук сакчылары до­кументларында криминаль булмаган 9 үлем очрагы теркәлгән.

Бүлек, шул исәптән ЮХХДИ хезмәткәрләре, административ хокук бозулар турында 398 протокол төзегән.

Исерек хәлдә җәмәгать урынна­рында күренгән өчен 71 кешегә, шунда ук спиртлы эчемлекләр эчкән 3 кешегә штраф салынган. Составында спирт булган сыекчаларны закон бозып саткан өчен 2 кеше, наркотик матдәләр кул­ланган өчен 1 кеше җавапка тартылган. Үз бурычларын үтәмәгән 15 әти-әни дә урындагы бюджетны тулыландырачак.

ЮХХДИ инспекторлары тарафыннан исерек хәлдәге 4 водитель тоткарланган, тагы да икесе алкоголь куллануны ачыклау максатындагы медицина тикшерүеннән баш тарткан. 35 водитель хәвефсезлек ка­ешы эләктермәгән өчен, 16 кеше ОСАГО страховка полисы булмаган өчен, 4 кеше балаларны йөртү кагыйдәләрен үтәмәгән өчен штраф түләячәк. Юл хәрәкәте кагыйдәләрен бозучылар исәбендә 6 җәяүле дә бар.

Хокук сакчылары тарафыннан бар­лыгы 199 300 сумлык штрафлар салынган.