БОЗЫЛГАН ЯЛ

28 майдан 3 июньгә кадәр район эчке эшләр бүлегенең дежур частенда төрле кырын гамәлләр турында 124 гариза һәм хәбәр теркәлгән, шуларның 15е - криминаль характерда.

Өчбүлә авылында яшәүче хатын-кызга карата Җинаять кодексының “үтерү белән янау” статьясы буенча җинаять эше кузгатылды. Ул, кулына пычак алып, шул ук авылда яшәүче хатын-кызга үч алу белән янаган.

Район авыл хуҗалыгы предприятиеләренең берсендә товарлыклы-сөтчелек фермасыннан карак компрессордан 10 метр кабель урлаган. Факт буенча җинаять эше кузгатылган. Урлашуда Аргамак авылы кешесенә шик тотыла. Ике көннән соң ул янә фермадан, тик бу юлы сварка аппаратыннан,10 метр кабель урлаган.

Семилетка авылында яшәүче хатын-кыз үзенә бирәчәге булган берәүне җавапка тарттыруны сорап гариза язган. Аның сүзләренә караганда, ир кешегә 7000 сум акча биреп торган, ә ул аларны кайтарып бирми икән.

Дүртөйледә яшәүче ханымның “Марс” коллектив бакчаларында дача мунчасыннан билгесез кешеләр инструментлар һәм хуҗалык билгеләнешендәге металл изделиеләрне урлаган. Караклар мунчага ишекне һәм стенаны ватып кергән.

Иванай авылындагы “Астория” кафесы янында төнлә исерекләр сугышканнан соң район үзәк дәваханәсенә төрле тән җәрәхәтләре белән өч ир-егет мөрәҗәгать иткән, аларның берсе - Мытищи шәһәреннән.

Губкин урамындагы “Магнит” кибетеннән 15000 сумлыкка якын косметик чаралар урлаулары турында эчке эшләр бүлегенә Дүртөйледә яшәүче ханым гариза язган.

Район үзәгендә яшәүче бер гаилә Интернет-мошенниклар корбаны булган. Ир белән хатын җәйге ялларын Абхазиядә диңгез буенда үткәрергә карар иткән. Интернет челтәрендә шул республиканың “Псоу” пансионатына путевкалар тәкъдим итүче сайт тапканнар, хәбәрләшкәннәр, ике урынлы номер бронировать иткәннәр. Кунакханәнең реквизитларын алып, тулы күләмдә - 67 мең сумнан артык - алдан түләү ясаганнар. Алай-болай иткәнче, алар белән бергә туганнарының да берсе барырга теләк белдергән. Гаилә шул ук сайт аша элемтәгә чыгарга һәм ике урынлык номерны өч урынлыга алыштырырга булган. Менә шунда сайтның ябылуы ачыкланган, путевканы “сатучы” белән элемтәгә керә алмаганнар, ягъни, гаиләнең акчасын, һәрхәлдә, мошенниклар үзләштергән. Полицейскийлар гражданнарга тагын бер искәртә: төрле сатучылар һәм сайтларның репутациясенә ышанмый торып, аларның хезмәтләренә һәм товарларына түләргә ашыгырга ярамый. a Бу атнада районда бер янгын очрагы теркәлгән - Таштау авылында йорт янган.

Үткән җиде көндә полиция документларында криминаль булмаган 8 үлем очрагы теркәлгән.

Юл хәрәкәте хәвефсезлеге инспекторларының эш нәтиҗәсе - административ хокук бозулар турында 292 протокол. Транспортка эчкән килеш идарә иткән өчен 4 водительгә штраф түләргә туры киләчәк. 40 водитель хәвефсезлек каешларын эләктермәгән, ә 19 ында ОСАГО страховка полисы булмаган. Янә 13 кеше балаларны йөртү кагыйдәләрен бозган өчен җавап тотачак. Нәтиҗәдә, барлык хокук бозучылар казнага 185000 сум акча кертәчәк.

Район эчке эшләр бүлеге.

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78