КИЛЕШҮ ШАРТЛАРЫН ҮТӘМӘГӘН

30 апрельдән 6 майга кадәр район эчке эшләр бүлегенең дежур частенда төрле кырын гамәлләр турында 131 гариза һәм хәбәр теркәлгән, шуларның 9 ы - криминаль характерда.

Кич белән соң гына Иске Солтанбәк авылында юл-патруль хезмәте инспекторлары исерек водитель идарә иткән «Хёндай Солярис» маркалы автомашинаны туктаткан. Закон тәртибен бозучы - шул ук авылда яшәүче, моңа кадәр эчкән килеш руль артына утырган өчен водитель таныклыгыннан мәхрүм ителгән кеше.

Гамәлләре Җинаять кодексына шундый ук сәбәп белән эләккән янә бер юлда йөрү кагыйдәләрен бозучы 5 май төнендә исерек килеш үзенең «Шевроле Круз» маркалы автомашинасында район үзәге урамнарында йөргән.

Районда яшәүче берәү мобиль телефонына урнаштырылган “Телеграм” Интернет-кушымта аша наркотик матдә сатып алуда гаепләнә.

Район үзәгенең Салават Закиров урамындагы йортларның берсендә карак булган. Ул торакка тәрәзә ватып кергән һәм бәясе 3000 сумлык электр ышкысы алып чыккан. Факт буенча җинаять эше кузгатылган, җинаять кылуда шәһәрдә яшәүче гаепләнә.

Дүртөйледә яшәүче хатын-кыз “Урал Трейдинг” җәмгыяте территориясеннән билгесез кешеләрнең тимер будканы урлаулары турында полициягә гариза язган.

Семилетка авылында яшәүче хатын-кыз танышына бурычка биреп торган 7000 сум акчасын кайтарып алуда ярдәм сорап, полициягә мөрәҗәгать иткән. Ир-егет акчаны кайтарып бирергә теләми.

Хокук саклау органнарына шәһәрдә яшәүче берәү мөрәҗәгать иткән. Ул шәхси эшкуарларның берсе агымдагы елның гыйнвар аенда кухня гарнитуры эшләүгә килешү төзүе, тик әле булса документ шартларын үтәмәве турында хәбәр иткән.

Шул ук бизнесменга Эчке эшләр бүлегенең икътисади җинаятьләргә каршы көрәш бүлеге хезмәткәрләренә Дүртөйледә яшәүче янә бер кешедән гариза алынган.Аңа ул вәгъдә ителгән балалар бүлмәсе мебелен эшләмәгән.

Төнлә шәһәрдәге йортларның берсендә подъездда караусыз калдырылган велосипед юкка чыккан. Хокук сакчылары велосипедларны күпфатирлы йортларның баскыч мәйданчыкларында калдырмауны сорый. Мондый фактлар ачыкланганда гражданнар, закон бозучы буларак, административ җаваплылыкка тартыла.

Полиция хезмәткәрләре янә шул хакта кисәтә: республика территориясендә мошенниклар үз гамәлләрен дәвам итә, алар үзләрен төрле социаль хезмәтләр эшчәннәре дип танытып, гражданнарның фатирларына керәләр һәм анда яшәүчеләрнең акчаларын, кыйммәтле әйберләрен урлап чыгалар. Күптән түгел шундый очрак Туймазы шәһәрендә теркәлгән. 1942 елгы пенсионер 70 мең сум акчасыннан колак каккан.

Әңгәсәк авылыннан ике пенсионер хатын-кыз үз авылларында шикле сатучылардан зур суммага массажерлар сатып алулары турында эчке эшләр бүлегенең дежур частена хәбәр иткән. Хокук сакчылары халыкны урамнарда яки өйләргә кереп, югары хакларга медицина приборлары тәкъдим итүче аерым кешеләрдән андый әйберләр сатып алмаска чакыра.

Бу атнада полиция документларында криминаль булмаган 10 үлем очрагы теркәлгән.

Административ хокук бозулар турында эчке эшләр бүлеге хезмәткәрләре, шул исәптән, ЮХХ- ДИ инспекторлары тарафыннан 286 протокол төзелгән.

Җәмәгатьурыннарындаисерек хәлдә күренгән өчен 6 кешегә, элек язылган штрафларын түләмәгән кешегә, әти-әни бурычларын тиешенчә үтәмәгән 2 кешегә штрафлар салынган.

Автомобильгә исерек хәлдә идарә иткән өчен - 2, хәвефсезлек каешларын эләктермәгән өчен 10 водитель җавапка тартылган. 27 водительнең ОСАГО страховка полисы булмаган, 4 водительнең машинасында балаларны йөртү җайланмалары булмаган, 44 водитель пыялаларны чиктән тыш караңгылаткан өчен штраф түләячәк. Юл хәрәкәте хәвефсезлеге кагыйдәләрен бозучылар казнага 164 600 сум акча кертәчәк.

Район эчке эшләр бүлеге.

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78