Юлдаш
-29 °С
Болытлы
75 лет Победы
Барлык яңалыклар
Сәясәт
24 сентябрь 2019, 02:00

"Кешеләр республикага киләчәк, ә республикадан китмәячәк", - дип вәгъдә итте башлык

Халык тарафыннан сайланган Радий Хәбировның Башкортстан Башлыгы вазифасына керешү тантанасы 2019 елның 19 сентябрендә БР Дәүләт Җыелышы - Корылтай Йортында үтте.

Халык тарафыннан сайланган Радий Хәбировның Башкортстан Башлыгы вазифасына керешү тантанасы 2019 елның 19 сентябрендә БР Дәүләт Җыелышы - Корылтай Йортында үтте.

“Бүген мин иң беренче чиратта, республиканың 2025 елга кадәр социаль-икътисади үсешенең стратегик юнәлеше турын­дагы Указга кул куям. Хәл ителмәгән һәр мәсьәләгә барып җитәргә тырыша­чакбыз, бюджетта финанс ресурсларын ныгытачак­быз. Указ барыбызга да кагыла, бу минем биш елга эш программасы.

Бу елларда республика төп биш юнәлеш буенча төбәк-лидерлар исәбенә керергә тиеш. Кеше по­тенциалы, уңайлы яшәү мохите, икътисади үсеш, инвестицияләр һәм ин­фраструктура”, - диде Хәбиров инаугурация тан­танасында.

Хәзер Башкортстанда яшәүчеләр саны ел саен кими. Әмма респу­блика Башлыгы 2024 елга халык санын кимендә 4 100 000 кешегә җиткерүне максат итеп куйды. Моның өчен, беренче чиратта, республика җитәкчелеге саулык саклау проблемалары белән ныклап шөгыльләнәчәк. Кадрлар кытлыгы тулысынча бетереләчәк. Бу уңайдан авылларда 20 ФАП төзеләчәк, 147 модульле һәм күчмә фельдшер- акушерлык пунктлары сатып алы­начак. Ашыгыч медицина ярдәме паркын яңартачаклар. Бала тудыру йортларын һәм поликлиникаларны заманча җиһазлар белән тәэмин итәчәкләр.

Республика кардиология дис­пансеры, балалар онкологиясе һәм гематология үзәге, олылар һәм балалар өчен хоспис Уфаның Затон бистәсендә дәваханә ком­плексы кебек масштаблы объектлар төзеләчәк.

Биш ел дәвамында 60 мең урынга исәпләнгән 60 мәктәп һәм 50 балалар бакчасы төзү һәм реконструкцияләү планлаштырыла. һәр шәһәрдә һәм районда сәләтле балаларны ачыклау һәм үстерү өчен белем бирү үзәге, ба­лалар технопарклары һәм кванто- риумнар ачылачак. Укытучыларны авыл мәктәпләрендә төпләндерүгә ярдәм күрсәтеләчәк.

Мәгариф һәм гаилә ялы үзәкләре буларак, 40 авыл мәдәният йор­ты, Уфада музыка сарае, яшь талантларның үзләрен күрсәтү мөмкинлеге булсын өчен 10 яңа сәнгать мәктәбе төзиячәкләр.

Планнарның шушы аз гына өлешен тормышка ашыруга да, куелган бурычларның тулы спек­тры турында әйтеп тә тормыйча, ныклы икътисад булу мөһим. Җиңел сәнәгать предприятиеләренең һәм урман сәнәгате комплексының җитештерү күләмен сизелерлек арттыру күздә тотыла. Хөкүмәт киселгән мәйданнарда урманнар­ны йөз процентка тергезү белән шөгыльләнәчәк. Торак пунктларга һәм торак йортларга газ кертүне тулысынча тәэмин итү гамәлгә ашырылачак.

Авыл хуҗалыгын тергезү өчен 500 кече һәм шәхси предпри­ятие булдырылачак. Ашлыкның тулай җыемын 4 миллион тоннага кадәр арттырачаклар. Заманча агротехника юнәтәчәкләр. Сөт һәм ит җитештерүне арттыру өчен дистәләгән товарлыклы-сөтчелек фермалары һәм мал симертү мәйданнары сафка керәчәк. Бу исә товарлыклы сөт җитештерү күләмен 1,2 миллион тоннага җиткерергә мөмкинлек бирәчәк.

Агросәнәгать комплексының экспорт потенциалын 230 мил­лион долларга җиткерәчәкләр. Республиканың тышкы икътисади элемтәләрен киңәйтү өчен сигез чит илдә вәкиллекләр ачачаклар.

Болар республика Башлыгы үз алдына һәм идарә итүче команда алдына куйган бурычларның тулы булмаган исемлеге генә.

“Безнең өчен, безнең идарә итүче команда өчен бу зур чакыру. Чөнки без чыннан да җитди, хәтта мин әтйер идем, ирешү өчен кат­лаулы максатлар куйдык. Икенче яктан, әгәр максатлар куеп, аларга үзагым белән киләбез икән, бу кызыклы түгел. Шуңа да без ре­спубликада халык санының артуын да, тулай төбәк продукциясенең, авыл хуҗалыгы производствосы күрсәткечләренең артуын да һәм социаль объектларның ярыйсы зур, масштаблы төзелешен дә күзалладык”, - диде Радий Фәрит улы.



Читайте нас в