Юлдаш
+17 °С
Болытлы
Барлык яңалыклар
Сәясәт
19 август 2019, 02:00

Мин ни өчен сайлауларга барам?

Бу елда безне мөһим сәяси вакыйга көтә, ул шактый дәрәҗәдә республиканың һәм, һичшиксез, ничек кенә булмасын, безнең шәһәр тор­мышына йогынты ясый. Бу - республи­ка Башлыгын сайлау­лар. Шул хакта без якташларыбыз белән әңгәмәләштек.



Флит Мостафин, Мәскәү авыл Советының ветеран­нар советы рәисе:

“Сайлаулар - безнең киләчәгебез, ул бөек илебезнеңбарлыктармакла- рыүсешенә юнәлеш бирә һәм мин авылымның, республи­кам һәм тоташ илемнең имин­леге хәл ителгәндә читтә кала алмыйм. Мин ышанам: минем тавыш, минем гаиләмнең, минем авылдашымның та­вышы, һичшиксез, сайлаулар нәтиҗәсенә йогынты ясаячак.

Без, өлкән буын кешеләренә, әлеге чараның никадәр мөһим һәм әһәмиятле булуы ана сөте белән бирелгән. Үсмер чакта сайлауларда кат­нашу вакыты җитүен дулкын­ланып көтә идек.Тавыш бирү хокукы белән тулы хокуклы гражданнар булгач, горурлык кичердек. Без киләчәгебезне сайлап куелганнар кулына ышанып тапшырабыз һәм сайлауларда актив катнашу, тарихка үз өлешеңне кертү, тавыш бирү безнең граж­данлык бурычы. Әгәр син тормышка уңай үзгәрешләр кертү мөмкинлеге күрәсең икән, ни өчен аннан фай­даланмаска? Мин бала­ларыбызда, яшьләрдә дәүләтебезгә ышаныч тәрбияләргә чакырам. Яки башкача әйткәндә, патрио­тизмны ныгытырга, чөнки патриотизм - ул ышаныч­ны белдерү. Сайлауларның нәтиҗәләрен без - халык - билгелибез, моңа инанып, киләчәгебезне үзгәртергә мөмкин. һәм мин ышанам, безнең җәмгыятькә бары тик уңай үзгәрешләр генә керер, республикабызны икътисади һәм социаль үсеш юлына юнәлтер. Әгәр миннән, нинди үзгәрешләр көтәсең, дип сорасалар, мин, әлбәттә, пенсия түләүләре турында әйтер идем. Бу гаҗәп түгел, чөнки һәркем үзен борчыган сорауларга җавап көтә.


Флүзә Низамова, татар теле һәм әдәбияты укыту­чысы, югары категорияле укытучы, БР ның атказан­ган укытучысы:

“Безнең гаиләдә сайлау­лар зур бәйрәм кебек кабул ителә.Үземне белгәннән бир­ле, әти-әниләрем, аннары без, хәзер инде безнең бала­лар, сайлауларда, ул җирле үзидарә органнарына, төбәк яки федераль дәрәҗәдәге булсынмы, тавыш бирүдә актив катнашты һәм катна­шабыз. Яшь чакта мин сайлау комиссиясендә эшләдем. Халыкның гражданлык бу­рычын төгәл үтәүче, сай­лауларда актив катнашучы һәм шушы идеяне гамәлгә ашыручылар категориясенә керәм. Укытучы буларак, мин һәрчак балаларда патрио­тизм һәм намуслылык той­гысы тәрбияләдем,үз илеңә ихтирамлы мөнәсәбәткә өйрәттем, аларда актив граж­данлык позициясен формалаштырдым. Хәзерге вакытта яшь буында эгоцентризмның үсә баруын һәм аның ныгуын күзәтү авыр. Баланың әти- әнисе ягыннан да, үз халкы ягыннан да, үзенең чыгышын белүе мөһим. Тора-бара ил тарихын, аеруча аның данлы битләрен белеп, бала алар аркасында үзен яклаулы итеп тойган көчле һәм акыллы әти- әниләре белән горурланачак. Бу исә һәрбер дәүләттә була торган кимчелекләрне күрмәскә дигәнне аңлатмый. Яшьләрдә үзләрен чолгап алган мохитнең позитив кар­тинасын формалаштыру за­рур, бернинди дә курку һәм билгесезлек булырга тиеш түгел. Шуннан чыгып, ул ва­кыйгаларны аек акыл белән бәяли һәм анализлый алачак. һәм бу очракта без үзебезгә алмашка үз фикерен яклый һәм ачык итеп әйтә алган, үз позициясендә нык тор­ган һәм җәмгыятьнең, үз халкының актив әгъзалары булу теләген яклый алган, тулы хокуклы гражданнар калдыра алачакбыз. Граж­данлык җаваплылыгын фор­малаштыру - ул игътибарны юнәлтергә кирәк булган мо­мент. Без, үзебезнең сайлау хокугын тулысынча гамәлгә ашырып, йөзәрләгән башка кешеләр өчен үрнәк булып торабыз.






Читайте нас: