Республикала ауыл старосталары тураһында закон ҡабул итәләр

Башҡортостанда «Ауыл старосталары тураһында» республика законын ҡабул итергә әҙерләнәләр. Был уларҙың вәкәләттәрен, тәғәйенләү тәртибен һәм халыҡ, урындағы үҙидара органдары менән үҙ-ара эш итеүен нығытырға тейеш. Владимир Путин ауыл старосталары институтын нығытҡан федераль законға 2018 йылдың 18 апрелендә ҡул ҡуйҙы. Унда билдәләнгәнсә, старостаны тораҡ пункттың граждандар сходы күрһәтеүе буйынса муниципаль берәмектең вәкиллекле органы тәғәйенләй. Дәүләт вазифаһын, дәүләт граждандар хеҙмәте вазифаһын, муниципаль вазифа йәки муниципаль хеҙмәт вазифаһын биләгән кеше староста була алмай. Старостаның вәкәләттәр ваҡыты ике йылдан кәм һәм биш йылдан күп булмаҫҡа тейеш.

Башҡортостан Дәүләт Йыйылышының Урындағы үҙидара, гражданлыҡ йәмғиәте институттарын үҫтереү һәм киң мәғлүмәт саралары комитеты рәйесе Сергей Афонин ошоға оҡшаш республика законы тикшерелгән түңәрәк өҫтәлдә ауыл старосталары институтының халыҡҡа бик яҡын булыуын һәм урындағы власты асыҡ итә алыуын билдәләне.

«Әлеге ваҡытта республикала, төбәк законы булмауға ҡарамаҫтан, 3500-ҙән ашыу ауыл старостаһы эшләй. Был институт — муниципалитеттарҙы үҫтереү өсөн етди ресурс. Күпселек старосталар, ә уларҙың төп өлөшөн ауылдың өлкән йәштәге хөрмәтле кешеләре тәшкил итә, ауылдаштарын үҙ артынан эйәртә, үҙҙәре лә тораҡ пункттарҙы төҙөкләндереүҙә әүҙем ҡатнаша, социаль мәсьәләләрҙе хәл итә, төрлө саралар ойоштора», — тип билдәләне «Башҡортостандың муниципаль берәмектәр советы» ассоциацияһының идара рәйесе Алексей Шмелев.

Уның һүҙҙәренсә, республика законының төп етешһеҙлегенең береһе староста эшен матди дәртләндереү менән бәйле. Законда мөмкинлек булған саҡта бындай түләүҙәрҙе ауыл биләмәһе үҙенең дотациялы бюджетынан тормошҡа ашырырға тейеш тип яҙылған. Шмелев фекеренсә, старостаның эшен матди дәртләндереү өсөн уларҙы республика ҡаҙнаһынан финанслауҙы күҙ уңында тоторға кәрәк.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78