Радий Хәбиров быйыл ғинуарҙа ил төбәктәре башлыҡтарының йоғонто яһау рейтингында күтәрелде

Башҡортостан етәксеһе Радий Хәбиров 2019 йылдың ғинуарында Рәсәй субъекттары башлыҡтарының йоғонто яһау рейтингында күтәрелде. «Сәйәси һәм иҡтисади коммуникациялар агентлығы» белгестәре тикшереүенә ярашлы, республика лидеры һуңғы айҙа рейтингта 16-сы урынды биләне (былтыр декабрҙә — 21-се урын). Әле Радий Хәбиров «бик көслө йоғонтоло» губернаторҙар иҫәбендә.

«Радий Хәбировтың позицияһы 2019 йылда республикаға «Һаулыҡ һаҡлау» милли проекты сиктәрендә федераль бюджеттан 4,9 миллиард һум самаһы аҡса бүленеүе тураһында хәбәрҙәр нигеҙендә нығына, — ти агентлыҡ эксперттары. — Бынан тыш, Хәбировтың республика башлығы вазифаһына «Берҙәм Рәсәй»ҙән һайланырға теләүе тураһында ҡарары уның төбәктә позицияларҙың тотороҡло булыуына ышаныуы тип ҡабул ителергә мөмкин».

Рейтингтың тәүге баҫҡыстарын Мәскәү мэры Сергей Собянин (1-се урын), Чечен Республикаһы башлығы Рамзан Ҡадиров (2-се урын) биләй. Татарстан Президенты Рөстәм Миңлеханов Санкт-Петербург губернаторы вазифаһын башҡарыусы Александр Бегловты өсөнсө урындан күсерҙе.

«Башинформ» мәғлүмәт агентлығы

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78