Башкортстанда сакчыл технологияләр исәбенә сөт җитештерү күләмен арттырачаклар

Башкортстанда «Хезмәт җитештерүчәнлеге» милли проекты кысаларында сакчыл технологияләр исәбенә сөт җитештерү күләмен арттырачаклар. Компетенцияләр федераль үзәге (ФЦК) экспертлары «Артемида» сөт фермасында җитештерүнең нәтиҗәлелеген арттырачаклар.

«Хәзер «Хезмәт җитештерүчәнлеге» милли проектында Башкортостан Республикасының 100 дән артык компаниясе катнаша. Өч ел эчендә алар җитештерүчәнлекне уртача 30% ка арттырырга исәп тоталар», - дип сөйләде БР икътисади үсеш һәм инвестиция сәясәте министрының беренче урынбасары Айрат Фәхретдинов.

Предприятиедә актив эш стадиясе башланды. Якындагы ярты елда сыерларны саву процессына карашны яңадан карарга һәм фермада җиһазларның эш нәтиҗәлелеген арттырырга кирәк булачак.

«Без җитештерүчәнлек үсешенең потенциалын бәяләдек инде, ул югары. Әмма, әлбәттә, безгә предприятие хезмәткәрләре белән бергә сыерларны саву процессын «үзгәртеп корырга» кирәк булачак. Без хәзер малларның сыер савучыларга чират торуын күрәбез, ә җиһазларның еш кына сафтан чыга, бу предприятие эшен туктата. Безнең бурыч-сыер саву вакытын киметү, әлеге процесста эшләүче хезмәткәрләрнең савымын арттыру, техника эшенең нәтиҗәлелеген уртача 20% ка арттыру», - дип аңлатты ФЦК проектлары җитәкчесе Рөстәм Хәйретдинов.

«Артемида» нәсел хуҗалыгы сөт җитештерү һәм нәселле терлек үрчетү белән шөгыльләнә. Бүгенге көндә фермада 2500 баштан артык терлек исәпләнә, шул исәптән 1260 сыер. Предприятиедә ел саен 9 мең тоннадан артык сөт җитештерелә.

«Без «Хезмәт җитештерүчәнлеге» илкүләм проектында катнашырга, беренче чиратта, авыл хуҗалыгы производствосының нәтиҗәлелеген арттырырга, урта звено компетенцияләре дәрәҗәсен арттырырга һәм хезмәт җитештерүчәнлеген үстерүнең гамәли тәҗрибәсен алырга булдык. Проектта катнашу безгә җитди матди чыгымнардан башка продукциянең үзкыйммәтен киметергә, аны чыгару күләмен арттырырга һәм якын киләчәктә хезмәткәрләрнең рентабельлеген һәм хезмәт хакын яңа дәрәҗәгә күтәрергә мөмкинлек бирәчәк», - дип билгеләп үтте «Артемида» ПХ директоры Евгений Пожидаев.

Исегезгә төшерәбез, «Хезмәт җитештерүчәнлеге» илкүләм проекты Россия Федерациясе Президенты Владимир Путинның 2018 елдагы Указы белән расланган һәм илдә ел саен хезмәт җитештерүчәнлеген 2024 елга 5% ка арттыру өчен шартлар тудыруга юнәлдерелгән.

#национальныепроекты; #нацпроекты; #региональныепроекты;#регпроекты; #нацпроектыБашкортостан#ВладимирПутин