БАШКОРТСТАННЫҢ БЕЛЕМ БИРҮ УЧРЕЖДЕНИӘЛӘРЕНДӘ КАЛДЫКЛАРНЫ АЕРЫМ ҖЫЮ ӨЧЕН КОНТЕЙНЕРЛАР УРНАШТЫРАЛАР

Башкортстан мәгариф учреждениәләрендә калдыкларны аерым туплау өчен контейнерлар урнаштыру эше тулы куәтенә бара. Бу хакта БР Экология министрлыгының матбугат хезмәтендә Республика балалар экология-биология үзәге директоры Екатерина Кошелева хәбәр итте.
Кошелева сүзләренә караганда, 150 учреждение кәгазь, пластик һәм башка калдыкларны аерым җыю өчен 200 дән артык контейнер комплекты алган инде. Сентябрь ахырына кадәр республиканың төньяк-көнбатыш һәм төньяк-көнчыгышында шәһәр һәм район үзәкләрендә урнашкан тагын 250 мәктәп 599 комплект алачак.
- Мәгариф учреждениеләрендә калдыкларны аерым җыюны гамәлгә кертү-калдыклар белән дөрес эш итү юлында бик мөһим адым , чөнки нәкъ менә балачактан экологик фикерләү, мәдәният формалаша һәм үсеп килүче буынның экологик грамоталылыгы арта, - дип билгеләп үтте Башкортостан Республикасының табигатьтән файдалану һәм экология министры вазыйфаларын башкаручы Нияз Фазылов. - Миллионлаган укучы көндәлек тормыш өчен кирәкле мөһим күнекмәләрне үзләштерәчәк, шулай ук калдыкларны бүлешергә һәм аларда гадәти чүп түгел, ә эшкәртү өчен чимал күрергә өйрәнәчәк.
Башкортстан Республикасы башлыгы Радий Хәбиров кушуы буенча Башкортстан Республикасы табигатьтән файдалану һәм экология министрлыгы, Башкортстан Республикасы Мәгариф министрлыгы белән берлектә, калдыкларны селектив җыюны этаплап гамәлгә кертә.
Әйтик, беренче этапта, 2020 елда, республика бюджетыннан Башкортстан шәһәрләре һәм район үзәкләренең белем бирү оешмалары каты коммуналь калдыкларны аерым җыю өчен контейнерлар белән җиһазландырылган. Авыл торак пунктлары мәктәпләре икенче этапта – 2021 елда шундый контейнерлар белән җиһазландырылачак.
Бу «Экология» милли проектының максатларына һәм бурычларына туры килә, аның төп юнәлешләреннән берсе-гражданнарның экологик культурасын һәм җаваплылыгын күтәрү.