«Мөлаем Шүрәле»

Дүртөйле тарихи-туган якны өй­рәнү музеенда рәссам Ирек Асылгәрәевның «Мөлаем Шү­рәле» иҗат эшләре күргәз­мәсе эшләвен дәвам итә.

Азиянең һәр халкы мәдәниятендә үз урманын саклаган урман рухы бар.

Башкорт һәм татар әкиятләренең иң күренекле персонажларының берсе булган образ күргәзмәдә төп урынны биләгән һәм рәссамның 25 эшендә чагылыш тапкан. Алар барысы да төрле: ачулы, дустанә, тормыш турында уйланучан, хәтта ачык йөзле.

«Г. Тукайның шул исемле әсәренә иллюстрацияләр ясаганда, миңа бер уй килде, Шүрәле булгач, димәк, Шүрәле хатын-кыз һәм балалар да бардыр бит. һәркемнең үз гаиләсе булырга тиеш, нәкъ шуның өчен мин эшемне әни, бала, дәү әни һәм дәү әти образла- рында дәвам итәргә булдым. Шүрәле үзенчә хәйләкәр һәм җитез, кайчагында явыз персонаж. Минемчә, үз картиналарымда Шүрәлене мин сөйкемле итеп күрсәтә алдым, кебек», - дип сөйли Ирек Асылгәрәев. Шунысын да билгеләп үтәргә кирәк, картинага һәр рамканы Ирек шулай ук үзе эшл. Ул: «һәр характерга - үз кысасы», дип әйтә.

Шулай ук Ирек Сәетҗан улы музей хезмәткәрләре белән бергә башкалар ара­сында танылган булырдай, Дүртөйле әкият персонажы­ның портретын булдырыр­га уйлаган.Исеме дә бар - Намур-бабай. Хәрефләр­нең урынын алыштырсаң, урман сүзе килеп чыга. Бу изге, авыр вакытларда яр­дәм итүче образ булачак. Якташ-рәссамның урман Шүрәлесе интерпретация­ләренә март ахырына кадәр карарга мөмкин булачак.