+8 °С
Болытлы
Барлык яңалыклар
мәдәният
4 октябрь 2018, 02:00
Башҡортостандың әүҙем ҡатын-ҡыҙҙарын «Ҡатын-ҡыҙ – милләт әсәһе» конкурсында ҡатнашырға саҡыралар
15 октябрҙә Башҡортостанда йыл һайын уҙғарылған «Ҡатын-ҡыҙ — милләт әсәһе» республика конкурсы башлана.
Конкурста республика райондарынан һәм ҡалаларынан, шулай уҡ башҡорттар йәшәгән Рәсәй төбәктәренән һәм БДБ илдәренән йәмәғәтселәр, активистар һәм инициативалы профессиональ ҡатын-ҡыҙҙар ҡатнаша.
15 ғинуарға тиклем урындарҙа район һәм ҡала этаптарын уҙғарыу күҙаллана. 1 февралдән муниципаль этаптарҙа еңеүселәрҙе республика финалына һайлап алыу башлана. Бүләкләү тантанаһы менән финал сараһын 5 мартта «Башҡортостан» дәүләт концерт залында үткәрергә ҡарар ителгән.
«Әле конкурс шарттары өҫтөндә эш бара. Элек 10 номинация булһа, хәҙер исемлек киңәйә, — тип хәбәр итте Башҡортостан Дәүләт Йыйылышы – Ҡоролтай депутаты, Башҡорт ҡатын-ҡыҙҙары йәмғиәте рәйесе Гөлнур Ҡолһарина. — Был юлы башта Йыйын (форум) уҙғарыу күҙаллана. Унда республикабыҙ тарихында күренекле башҡорт ҡатын-ҡыҙҙарын хәтергә алырбыҙ. Һуңынан бүләкләү тантанаһы мәҙәни программа менән бергә була».
Өсөнсө «Ҡатын-ҡыҙ — милләт әсәһе» республика конкурсы финалы Башҡортостан Республикаһының 100 йыллығына арнала. Конкурс еңеүселәренә Башҡорт ҡатын-ҡыҙҙары берләшмәһе ойошторған Рабиға Ҡушаева исемендәге миҙал тапшырыла.
«Башинформ» мәғлүмәт агентлығы, Ләйлә Аралбаева
Читайте нас:
© 2020-2024 Сайт издания "Юлдаш"
Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.
Телефон
8 (34787) 2-20-03
Электрон почта
Адресы
452320, Республика Башкортостан, Дюртюлинский район, г.Дюртюли, пер.М.Якутовой, 2.
Реклама хезмәте
8 (34787) 2-22-60
Редакция
8 (34787) 2-20-03
Кабул итү бүлмәсе
8 (34787) 2-20-03
Кадрлар бүлеге
8 (34787) 2-21-78