Юлдаш
+17 °С
Яңгыр
Барлык яңалыклар
мәдәният
27 июнь 2018, 02:00

Лондонда Һабантуй күп милләтле байрамға әйләнде

Лондондағы Forest Lane паркында 200-ҙән ашыу башҡорт һәм татар мәҙәниәтен үҙ итеүселәр традицион һабантуйға йыйылды.

Лондонда милли байрамды «Заман» Бөйөк Британия татарҙары һәм башҡорттары ассоциацияһының инициативалы ағзалары бына инде бер нисә йыл рәттән уҙғара.

Сағыу кейемдәр, йыр-бейеүҙәр, шиғырҙар, театрлаштырылған тамаша, өлкәндәр һәм балалар өсөн уйындар, халыҡ ижады изделиеларын һатыу күргәҙмәһе, бал, бәлештәр, милли кейем фото-күргәҙмәһе – былар барыһы ла утрауҙа йәшәгән башҡорттар һәм татарҙарҙың төп байрамының биҙәге булды.

Концерт программаһы башҡорт һәм татар йыр-бейеүҙәре генә түгел, үзбәк, ҡырғыҙ, болгар бейеүҙәре менән бай булды, дәртләндергес рус һәм болгар йырҙары яңғыраны.

«Һабантуйҙа ҡунаҡтарҙың булыуы һәм бөтәһенең дә байрамда әүҙем ҡатнашыуы ҡыуаныслы – беҙ күмәкләп бейенек, таныштыҡ, тәьҫораттар менән уртаҡлаштыҡ, ҡушылып йырланыҡ һәм уйындарҙа ҡатнаштыҡ! Был иҫ киткес байрам мәҙәниәттәребеҙҙең матурлығын һәм берҙәмлеген, тел байлығын һәм холоҡ ныҡлығын күрһәтте, — тип һөйләне «Башинформ» агентлығына Берләшкән милләттәр ойошмаһы агентлығы хеҙмәткәре Айһылыу Йәнтурина-Дарлес. — Йылдан-йыл оҫталыҡ һәм ошо байрамда ҡыҙыҡһыныусы кешеләр һаны арта. Байрам байый, сағыулыҡ һөм йөкмәткелек ала, бында төрлө ҡалаларҙан һәм илдәрҙән тағы ла күберәк ҡунаҡтар килергә ынтыла».

«Башинформ» мәғлүмәт агентлығы, Ләйлә Аралбаева


Читайте нас: