ҮЗЛӘРЕН ӨЙДӘГЕ КЕБЕК ХИС ИТТЕЛӘР

Ни кызганыч, бүген күп авыллар юкка чыга. Яшьләр бәхет һәм яхшы эш эзләп, туган җирләрен ташлап китә. Ә менә Яңа Биектау авылы халкы үзләре яшәгән төбәкнең чәчәк атуы белән бәхетле. Яшьләр авылда кала, яңа йортлар төзиләр, авыл үсә.

Волонтер елы кысаларында Яңа Биектау авыл мәдәният йортына балалар йортында тәрбияләнүчеләр чакырылды. “Тулпар” балалар драма коллективы яшь тамашачылар игътибарына “Волк и семеро козлят” әкияте буенча яңартылган музыкаль тамаша тәкъдим итте. Яңа Биектау тулы булмаган мәктәбенең түбән сыйныф укчыларыннан торган әлеге коллектив 2002 елда оештырылган. Аның җитәкчесе - мәдәният йорты мөдире Гүзәлия Сәфиуллина. Коллектив үрнәкле исемен йөртә, балалар халыкара, бөтенрусия, республика конкурсларында чыгыш ясый, дипломнарга лаек булалар.

Артистларны дәртләндерергә авыл халкы да килгән. Балалар сәхнәдә үзләрен ышанычлы тота, рольләргә оста керә. Төп роль - Кәҗә Әнине Зәния Хакова башкарды.Аңа, бай тәҗрибәле педагог буларак, тормыш һәм балалар йортларындагы малайлар һәм кызларның проблемалары ят түгел. Шуңа да балалар бәйрәмгә очраклы гына килмәгән. Чараны оештыручылар аларның үзләрен җәмгыятьтән аерылган итеп тоймавын теләде. Тамашачыларның көчле алкышлары исә максатка ирешүне раслады. Аннары китапханәче Нәсимә Фәррахова авыл китапханәсенә экскурсия оештырды. Балалар биредә укучылар белән никадәр күп эшләүләрен, ә иң мөһиме, монда балаларның күп укуларын белде.

Бәйрәм сый-хөрмәтсез буламы! Кунакларны мул табын көтә иде - авыл халкы кунакчыллыгы белән аерылып тора. Бу җәһәттән урындагы эшмәкәр Марат Хәмәтдинов зур тырышлык куйган. Хезмәт ветераны Рәфинә Васикова телеңне йотарлык тәбикмәкләр пешергән, мәдәният йорты мөдире Гүзәлия Сәфиуллина тәмле чәкчәк әзерләгән, Нәсимә Фәррахова пирог алып килгән. Ә балаларның яраткан ризыгы - пиццаны пьесаның төп герое әзерләгән.

Балалар үзләрен өйдәге кебек хис итте. Кунакчыл төбәктә үткәргән вакыт бездә тәрбияләнүчеләрнең күңелләрендә озак сакланыр. Әлеге бәйрәмне оештыручыларга, шулай ук безнең сәфәр өчен транспорт бүлгән район мәгариф идарәсе начальнигы Илнур Әхмәдиевка рәхмәт әйтәсе килә.

Әлфия ХАМАТОВА,

балалар йортының өстәмә белем бирү педагогы.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78