Пандемия башланғандан алып Башҡортостанда 30,7 меңгә яҡын сирле теркәлгән

Уҙған тәүлектә Башҡортостанда ике кеше коронавирус инфекцияһынан үлгән, тип хәбәр ителә стопкоронавирус.рф сайтында. Рәсми статистика мәғлүмәттәре буйынса, пандемия башланғандан алып республикала бөтәһе 319 кеше коронавирустан вафат булған.

30,7 меңгә яҡын сирле асыҡланған, уларҙың 120-һе – һуңғы тәүлектә.

Ошо уҡ ваҡытта 25 мең самаһы кеше һауыҡҡан.

Дөйөм алғанда, пандемия башланғандан бирле Рәсәйҙә 4,409 миллиондан ашыу коронавирус инфекцияһы осрағы теркәлгән, уларҙың 93 меңгә яҡыны донъя ҡуйған. Уҙған тәүлектә 443 кешенең ғүмере өҙөлгән.