Рәсәйҙә бөтәһе өсөн дә битлек режимы индерелә

Рәсәйҙә бөтәһе өсөн дә битлек режимы индерелә. РИА Новости мәғлүмәттәре буйынса, Роспотребнадзор илдә йәшәүселәрҙең һәммәһенә лә халыҡ күп йөрөгән урындарҙа, транспортта, парковкаларҙа һәм лифттарҙа битлек кейергә ҡушты.

Киҫкен респиратор вирус инфекциялары менән ауырыу осраҡтары артҡан осорҙа коронавирус таралыуға бәйле ошондай саралар күрелде. Тейешле ҡаррар 28 октябрҙә көсөнә инергә тейеш, уға Рәсәйҙең баш санитар табибы Анна Попова ҡул ҡуйҙы, тип хәбәр итте 360tv.ru.

Бынан тыш, күҙәтеү ведомствоһы тотош илдә төнгө ресторандарҙы һәм күңел асыу сараларын тыйҙы.