ХӘТЕР ШӘМЕ сүнми

Бөек Ватан сугышында Җиңүнең 73 еллыгы алдыннан район хакимияте башлыгы Ринат Хәйруллин ветераннар белән очрашты, ул күнегелгән традиция буенча тарих һәм туган якны өйрәнү музеенда үтте. Чарада әле исән булган 30 ветеранның 14 е генә катнаша алды.

Әйе, ни кызганыч, вакытны туктатып булмый: кешелек тарихында иң аяусыз һәм кешеләрне иң күп югалткан сугышта катнашучылар саны елдан ел азая.

Шуңа да аларга хөрмәт күрсәтү, алар саклап калган тынычлык, яшәү, эшләү һәм иҗат итү мөмкинлеге өчен рәхмәт әйтү бүген мөһим.

- Сезнең буынга төшкән искиткеч сынауларга карамастан, Туган илебезнең азатлыгын һәм бәйсезлеген саклап калуыгыз, ә аннары илне җимерекләрдән торгыза алганыгыз өчен сезнең алда баш иябез. Бүгенге Русия - бөек СССР дәвамы. Без сезнең батырлыкны беркайчан да онытмаячакбыз һәм ата- бабаларыбызның данлы сугыш һәм хезмәт тарихы белән горурланачакбыз! - диде ветераннарга мөрәҗәгать итеп, Ринат Мәсгуть улы.

Түбән Манчар авылыннан, өлкән яшьтә булуга карамастан, аңа хәзер 98 яшь, әлеге очрашуга килергә көч тапкан Мөсәярә Фатыйхова шундый җылы кабул итүгә рәхмәт белдерде һәм үзе өчен бик тә таныш булган Сталинград алышына багышланган шигырь укыды...

Үзешчән сәнгать осталары очрашуда катнашучыларга моңлы җырларын бүләк итте. Ә Җиңү Көненә багышлап, ветераннарның фотографияләре, художестволы портретларыннан һәм кадерле хәрби ядкәрләреннән әзерләнгән “Хәтер шәме сүнми” музей экспозициясе чал чәчле Җиңү солдатларын гүя кан саркыган яшьлекләренә алып кайтты...

Виолетта КАШАПОВА

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78