Дүртөиледән Хәмитов

Хәмитов Хәким Сәгади улы 1911 елда Иске Кәңгеш авылында туган. Милләте - башкорт. Сугышка кадәрге биографиясеннән билгеле булуынча, 1940 елда ВКП(б) сафларына керә. 1942 елда Кызыл Армиягә алына. 1942 елның августыннан башлап, хәрби хезмәте тәмамланганчы, 15 нче гвардия укчылар дивизиясенең 44 нче гвардия укчылар полкы сафларында сугыша. Әлеге дивизия турында берничә сүз. Аның тулы исеме - 15 нче Харьков-Прага Ленин орденлы ике тапкыр Кызыл Байраклы Суворов һәм Кутузов гвардия укчылар дивизиясе. 1939 елның сентябрендә Горький шәһәрендә (хәзерге Түбән Новгород) формалашкан 136 нчы укчылар дивизиясе аны башлап җибәрүче була. 1939-1940 елларда Совет-фин сугышында катнаша. Ленин ордены белән бүләкләнә. Бөек Ватан сугышы алдыннан Әрмәнстанда, совет-төрек чигендә дислокацияләнә, УССРның Запорожье өлкәсенә җибәрелә. Донбасста һәм Ростов өлкәсендә сугышлар алып бара. Күрсәткән батырлыгы, личный составның каһарманлыгы өчен 1942 елның 16 февралендә Кызыл Байрак ордены белән бүләкләнә һәм 15 нче гвардия укчылар дивизиясе итеп үзгәртелә. Ары таба Сталинград сугышында катнаша.

Хәким Хәмитов үз хезмәтен 1942 елның августында 44 нче гвардия укчылар полкындагы роталарның берсендә политрук булып башлый, аннары политик бүлек буенча батальон командиры урынбасары - замполит итеп тәгаенләнә. Үзенең тәүге наградасын - «Кызыл Йолдыз» орденын (1943 елның 5 февралендәге 26/н санлы боерык) ул Сталинградта 1943 елның гыйнварының икенче яртысындагы урам сугышлары өчен ала. 30 гыйнварда аның яралануы турында мәгълүмат бар (яра авыр булмаган, күрәсең, чөнки ул дивизиядә калган). Шулай ук «Сталинградны обороналаган өчен» медале белән бүләкләнә. 1943 елның июлендә Курск сугышында катнаша. Батрацкая Дача совхозы (Белгород өлкәсе, Шебекин районы) янындагы сугышларда каһарманлыгы өчен Кызыл Байрак ордены белән бүләкләнә (1943 елның 12 августындагы 230/н санлы боерык). 1945 елның гыйнварында Хәким Сәгади улы гвардия капитаны званиесенә ия була, 44 нче гвардия укчылар полкы парторгы вазифасында Сандомир плацдармындагы (Польша) сугышларда танылу яулый. II дәрәҗә Ватан сугышы ордены белән бүләкләнә (1945 елның 26 февралендәге 18/н санлы боерык).

1945 елның апрелендә инде Германия территориясендә батырлык күрсәтә (Вайсвассер, Саксония җире). I дәрәҗә Ватан сугышы ордены белән бүләкләнә (1945 елның 28 маендагы 49/н санлы боерык). 1945 елның 8 маенда Дрезден шәһәре янында таныла. Ленин орденына тәкъдим ителә, ләкин аны Кызыл Байрак орденына алыштыралар (1945 елның 17 июлендәге 71/н санлы боерык). Хәким Сәгади улы елда демобилизацияләнә, «РСФСРның атказанган юристы» исеменә ия була.

15 нче гвардия укчылар дивизиясендә Дүртөйледән ким дигәндә 8 кешеһәм Башкортстаннан бик күп яугирләр сугышкан. Шулар арасында 1971 елдан алып 1985 елгача БАССР Мәгариф министры постын биләгән Җиһаншин Сабир Шәяхмәт улы да бар.

Олег АБДУЛЛИН, Благовещенск шәһәре.

Читайте нас:

Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.

Телефон

8 (34787) 2-20-03

Электрон почта

[email protected]

Адресы

452320, Республика Башкортостан, Дюртюлинский район, г.Дюртюли, пер.М.Якутовой, 2.

Реклама хезмәте

8 (34787) 2-22-60

Редакция

8 (34787) 2-20-03

Кабул итү бүлмәсе

8 (34787) 2-20-03

Кадрлар бүлеге

8 (34787) 2-21-78