-7 °С
Кар
Барлык яңалыклар
Икътисад
18 декабрь 2018, 02:00
Республикала эш хаҡы буйынса бурыс 635 миллион һумға еткән
Башҡортостанда эш хаҡы буйынса бурыс 635 миллион һумға еткән. 2018 йылдың 1 декабренә 13 меңдән ашыу кешегә хеҙмәт хаҡы түләнмәгән. Республика Башлығы вазифаһын ваҡытлыса башҡарыусы Радий Хәбиров бөгөн Башҡортостан Республикаһы Дәүләт Йыйылышы депутаттары алдында Мөрәжәғәтнамә менән сығыш яһағанда шул хаҡта белдерҙе.
«Халыҡ эшебеҙҙе ошо кире күренеште нисек үҙгәртә алыуыбыҙға ҡарап та баһалай. Беҙгә яңы эш урындары, лайыҡлы хеҙмәт хаҡы кәрәк. Муниципалитеттарға инвестициялар йәлеп итербеҙ, яңы производстволар асырбыҙ. Ҡасандыр кешеләргә эш биргән элекке предприятиеларҙы тергеҙеү зарур», — тип белдерҙе төбәк етәксеһе.
Һуңғы йылдарҙа республика Ағиҙел йылға пароходсылығы, «Ергән» машина-технология станцияһы кеүек предприятиеларынан ҡолаҡ ҡаҡты, «Башавтотранс»ты һәм «Башҡортостан» нәшриәтен юғалта яҙҙы, тип билдәләне ул.
«Ҡайҙалыр менеджмент эшләй алманы, ә ҡайҙалыр аңлы рәүештә эш иттеләр. Төрлө милек формаһындағы ойошмаларҙы «бүлеү»ҙә миллиондарса аҡса алған енәйәтсел төркөмдәрҙең эшмәкәрлегенә юл ҡуймаҫбыҙ. Был өлкәлә ҡаты тәртип урынлаштырырға кәрәк», — тине Радий Хәбиров.
«Башинформ» мәғлүмәт агентлығы, Әлфиә Әғлиуллина
Читайте нас:
© 2020-2024 Сайт издания "Юлдаш"
Зарегистрировано Федеральной службой по надзору в сфере связи , информационных технологий и массовых коммуникаций по Республике Башкортостан (РОСКОМНАДЗОР). Регистрационный номер: серия ПИ №ТУ 02-01372.
Телефон
8 (34787) 2-20-03
Электрон почта
Адресы
452320, Республика Башкортостан, Дюртюлинский район, г.Дюртюли, пер.М.Якутовой, 2.
Реклама хезмәте
8 (34787) 2-22-60
Редакция
8 (34787) 2-20-03
Кабул итү бүлмәсе
8 (34787) 2-20-03
Кадрлар бүлеге
8 (34787) 2-21-78