Башҡортостандың Ғәҙәттән тыш хәлдәр министрлығы көндәрҙең ныҡ һыуытыуы тураһында иҫкәртә

Башҡортостандың Ғәҙәттән тыш хәлдәр министрлығы республикала йәшәүселәрҙе хәүефле гидрометеорология күренеше тураһында иҫкәртә. Ведомство мәғлүмәте буйынса, 21 февралдә төбәктә һауа температураһы төндә -35 градусҡа тиклем түбәнәйә.

Синоптиктар белдереүенсә, 20 февралдә киске сәғәт 8-ҙән 21 февраль киске 8-гә тиклем көндөң аяҙлы-болотло булыуы көтөлә. Урыны менән бер аҙ ҡар, юлдарҙың айырым участкаларында боҙлауыҡ. Ел көнбайыштан секундына 3-8 метр. Һауа температураһы төндә -24,-29, урыны менән -30,-35, көндөҙ -18,-23 градус.

Юлдарҙың ҡайһы бер участкаларында 2-4 саҡрымдан күреү мөмкинлегенең кәмеүе ихтимал.